Malencolía, o filme que combina humor galego e cine americano de terror, estréase en Vigo

A nova longametraxe de Alfonso Zaruza, Malencolía, estréase o 25 de marzo en 23 cinemas de 17 localidades galegas. Protagonizada por Melania Cruz e Xúlio Abonjo, Malencolía mestura o cinema de terror, a comedia e o desacougo vital para contar a historia dunha parella que regresa ao rural galego tras vivir varios anos en Berlín. No caso de Vigo, o filme proxectarase nos Multicines Norte, Cines Plaza Elíptica, Gran Vía Cines e Yelmo Travesía. 

O filme, que tiña 11 candidaturas finalistas nos premios Mestre Mateo que se celebraron o pasado sábado, acadou dous premios, os dos actores Iolanda Muíños e Diego Anido como mellor interpretación de reparto feminina e masculina, respectivamente. Logo de ter gañado el Premio Xacobeo del Ourense Film Festival o pasao mes de outubro, hoxe preséntase no Sombra, Festival de Cine Fantástico Europeo de Murcia, onde compite na Sección Oficial.

Másnoticias

El Rallye Rías Baixas toma el centro de Vigo con adrenalina, coches top y muchas expectativas

03/07/2025

El centro comercial de Vigo donde podrás ganar una Vespa si vas de rebajas en sus más de 100 tiendas

03/07/2025

Malencolía, producida por Maruxiña Film Company en coprodución coa Televisión de Galicia, está rodada integramente en Galicia e en galego, e con equipo 100% galego. Conta con subvención de AGADIC e o apoio da Deputación de Ourense. A rodaxe de Malencolía realizouse en diversas localizacións dos concellos de Boborás, O Irixo e O Carballiño.

Un filme que integra terror, humor e a rica tradición oral galega

Nesta a súa sexta longametraxe, o director da premiada “Ons” adéntrase por primeira vez no xénero de terror, que busca dun xeito pouco convencional, partindo da rica tradición galega oral e literaria sobre o medo para engadir elementos do estilo americano slasher de asasinos en serie e gore, e tamén boa dose de humor.

Entre os actores que volven traballar ás ordes de Zarauza destacan os protagonistas, Melania Cruz e Xúlio Abonjo, que interpretan a Sira e Pepe, unha parella que decide comezar unha nova vida nunha aldea abandonada de Ourense logo de botar moitos anos emigrados en Berlín. Chegados á aldea descobren con sorpresa que a única casa con vida está habitada por unha peculiar señora chamada Isolina, que interpreta Iolanda Muiños. Completan o reparto Diego Anido, Marta Lado, X. A. Touriñán, Ricardo de Barreiro, Ledicia Sola, Tito Asorey e Deborah Vukusic. A banda sonora, composta por Xavi Bértolo, inclúe dous temas da banda Chicharrón e unha versión de "Teño Saudade" de Andrés Do Barro a cargo de Roberto Cacabelos e Raquel Vilas.