O BNG de Vigo leva ao pleno unha batería de medidas para impulsar o sector cultural

Una batería de medidas para que Vigo sexa un tractor cultural. Esa será a moción que o BNG vigués presentará este mércores no pleno municipal deste mércores. A crise do coronavirus afecta a tódolos ámbitos, pero ten un efecto especialmente nocivo co sector da cultural. Porén, o voceiro da fronte nacionalista na urbe galega, Xabier Pérez Igrexas, explicou esta iniciativa que contén propostas innovadoras como a creación dunha plataforma dixital que permita realizar una programación cultural remunerada e de calidade ou habilitar dentro da rede museística unha sala expositiva virtual.

A emerxencia sanitaria do COVID19 obriga a reinventarse. A tomar decisións revolucionarias. Inéditas. En ese plan está o BNG de Vigo. O concelleiro Pérez Igrexas sinalou na rolda de prensa por videoconferencia que insta ao Concello a crear unha Mesa Cultural da Cidade, un espazo de diálogo e participación dos colectivos e a industria culturais de cara ao redeseño da política cultural municipal, en tanto que non se cree un Consello Municipal de Cultura.

Másnoticias

Al menos nueve heridos en Vigo al chocar un turismo y un Vitrasa en la zona de Castrelos

23/06/2025

Caballero anuncia una ampliación del presupuesto para incluir 70 nuevas inversiones en Vigo

23/06/2025

A nivel municipal tamén demandan o deseño dun Programa Extraordinario de Apoio á Actividade Cultural, que inclúa entre as súas medidas a reprogramación das actuacións e eventos xa contratados (para evitar a súa cancelación), e priorizar o tecido cultural e a promoción da lingua galega na contratación. Tamén demandan que se habilite unha plataforma dixital que permita albergar unha programación cultural municipal coa participación remunerada das compañías, grupos e agrupacións locais das diferentes disciplinas artísticas así como para a difusión da creación audiovisual, e tamén que a Rede Museística da Cidade poña en Rede unha “Sala Expositiva Virtual”.

A fronte nacionalista amósase partidaria tamén de que se adecúen os servizos bibliotecarios á nova situación, facendo que a Biblioteca Neira Vilas despregue un servizo de empréstamo a domicilio coas suficientes garantías preventivas.

A creación dunha plataforma para a comercialización en liña de artesanía, obras de arte e libros, poñéndoa ao servizo das creadoras e creadores locais e das librarías da cidade, e habilitar unha liña extraordinaria de axudas municipais en apoio das entidades culturais e a industria cultural, completan as propostas de ámbito municipal.

A nivel galego, a moción do BNG de Vigo insta á Xunta a impulsar políticas específicas en apoio dos sectores culturais, como liñas de axudas directas e créditos, a reprogramación evitando as cancelacións de contratos xa subscritos, a redefinición do Xacobeo 2021, a creación dun bono cultural para estimular o consumo e elaborar unha programación cultural máis ambiciosa na CRTVG. Por derradeiro, reclaman que o Goberno español reduza o IVE cultural do 10% ao 4% e dos cachés do 21% ao 10%.

O concelleiro do BNG de Vigo, Xabier Pérez Igrexas, sinalou que estas propostas complementan as xa formuladas polas nacionalistas demandando un Plan de Protección Social e unha Estratexia de Promoción Económica e o Emprego a nivel local. “Entendemos necesario que as administracións públicas, e tamén de maneira concreta o Concello de Vigo, actúen para apuntalar a actividade cultural da nosa cidade nun momento no que o seu tecido asociativo e profesional enfrontan riscos que poden ser letais”, explicou.

Igrexas alerta de que tanto as entidades e asociacións implicadas na acción cultural como a súa industria, na que son predominantes microPemes e autónomas, enfrontarán “a loita pola súa propia subsistencia” unha vez superada a emerxencia sanitaria, toda vez as restricións para a actividade pública poden ser letais para este sector.

“Julio Cortázar definiu cultura como ‘o exercicio profundo da identidade". A cultura defínenos a nivel civilizatorio, social e individual. Sen cultura non hai cidadanía e, xa que logo, tampouco pode haber cidade. A cultura non é un elemento accesorio, trátase dun ben de primeira necesidade e un dereito social. Prescindir dela é un luxo que non nos podemos permitir” enfatizou o portavoz municipal nacionalista.