Este venres, 10 de xuño, o escritor Diego Giráldez presenta a súa nova novela "O meu sangue" da Editorial Galaxia. A cita terá lugar na Libraría Cartabón de Vigo ás 20:30 horas e contará coa presenza da escritora Anna R. Figueiredo.
Durante a presentación, os autores conversarán sobre a que é a novela máis persoal do escritor. Un libro que gardou nun caixón durante dous anos, que viu a luz a principios deste mes de maio e que xa está a obter comentarios moi satisfactorios tanto do público como dos críticos, que chegaron a dicir de "O meu sangue" cousas como que "é unha das grandes novelas do ano", que "con esta novela o autor sae do cómodo e sobe a aposta" ou mesmo "que é unha lectura moi recomendable e estimulante".
En "O meu sangue", Diego Giráldez compón un gran tapiz que nace da intimidade dun corazón desafiuzado que loita por recompoñerse. A obra é unha intriga que nos arrastra ao particular descenso aos infernos do protagonista e a unha defensa irracional do que nos fai máis felices: os seres e os lugares queridos.
"Empatizarías con alguén que humilla o teu sangue? Ata onde serías capaz de chegar para defender o que máis queres? Para David Ledesma, que soña con ser un escritor de éxito de novela negra, un disparo ridículo nunha perna é o colofón da súa vida con Belén e o comezo dunha relación tráxica con María. A partir de aquí, o protagonista mergúllase nunha trama onde a violencia, a maldade e o amor entretecen un relato de vinganza", adianta a sinopse do libro.
Diego Giráldez naceu en O Porriño en 1976 e exerceu o xornalismo en distintos medios escritos e dixitais. Ademais de coordinou varias cabeceiras, colaborou como columnista de opinión nos xornais A Nosa Terra e Xornal de Galicia e, a través de reportaxes culturais, con El País. Na actualidade, faino co diario dixital Praza Pública e a revista Luzes. Fundou e dirixiu as revistas Malladoura e CanZine e escribiu libros relacionados coa arquitectura e a historia económica de Galicia.
En 2016 publicou o libro de relatos curtos "Galería de saldos", o seu primeiro traballo de narrativa, polo que foi elixido "Autor galego do ano" pola revista Fervenzas Literarias. En 2019 publicou en Editorial Galaxia a novela "Hotel para coleccionistas discretos" e participou nas obras colectivas "O libro dos trens" e "A secreta melancolía da garza" (Galaxia, 2019).
Entre os galardóns que recibiu destacan o Premio Literario José Saramago de relato curto en 2010, o primeiro accésit do Certame Nacional de Narracións Breves Modesto R. Figueiredo en 2015 e o Premio Literario Manuel Murguía en 2016. En 2020 quedou finalista do XVII Premio de Xornalismo Francisco Fernández del Riego.
Dos de los cortos premiados en el Galician Freaky Film Festival de Vigo en 2024 lucharán ahora por triunfar en los Oscars
Asi é o calendario da Área de Normalización Lingüística para o 2025 deseñado polo humorista gráfico Luis Davila
Los Premios Feroz traerán a Pontevedra este mes de diciembre a Rodrigo Cortés, Sorogoyen y los hermanos Sánchez-Cabezudo
En su fallo, el jurado ha destacado el estilo "directo, rico y cargado de simbolismo" que caracteriza la obra premiada
As persoas gañadoras pasarán á final española, o 5 de abril en Lleida - Ao longo de todo o día na Escola de Enxeñaría de Minas e da Enerxía
Puedes encontrarnos en nuestras redes sociales o, si lo prefieres, ponerte en contacto con nosotros a través de [email protected]
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL