O Rosal adapta o seu auditorio municipal á nova realidade

O Concello do Rosal vén de levar a cabo os traballos de modificación do auditorio municipal para adaptar estas instalacións á nova realidade. Deste xeito, nos últimos días retiráronse varias filas de butacas e procedeuse á ampliación do escenario para poder garantir o mantemento das distancias de seguridade durante o seu uso tanto por parte da Escola de Música como durante os ensaios da Agrupación Musical do Rosal, con máis de 80 integrantes.

Con estes cambios na distribución do auditorio municipal búscase “manter viva a actividade cultural, algo que non sería posible sen a colaboración e o apoio que estamos tendo do tecido asociativo. Estas modificacións son un exemplo de todo o que se está a facer para adaptarse ás circunstancias e seguir mellorando e avanzando”, salienta a alcaldesa, Ánxela Fernández Callís.

Másnoticias

A Guarda aspirará a relevar a Ribadavia como la Navidad más dorada de España con Ferrero Rocher

03/11/2025

Desconocidas y sorprendentes playas y pozas para disfrutar de O Baixo Miño en septiembre

La 'cosmética natural' kilómetro 0 con lo que ofrece la naturaleza se descubre en esta ruta de O Rosal

02/11/2025

Dende o Concello quérese agradecer o traballo desenvolvido pola Agrupación Musical do Rosal, que fixo un grande esforzo colectivo por continuar coa súa actividade de forma ininterrompida durante esta crise sanitaria e manter viva a cultura. Por suposto, tamén o recoñecemento a todos os operarios municipais, que levaron a cabo todos os traballos de adaptación con rapidez e axilidade para que a actividade continuara na maior brevidade de tempo posible.