Provocar un arrepío en 30 segundos, o obxectivo do certame “Curta ou Susto”

Serás quen de provocar un arrepío en 30 segundos? O festival vigués Galician Freaky Film Festival vén de lanzar unha convocatoria para creadores audiovisuais, afeccionados ou profesionais, co fin de que poñan “en forma o seu músculo creativo” nun certame de “Curta ou susto”.

O certame, no que se poderá participar ata o 30 de maio, busca obras dun máximo de trinta segundos (sen ter en conta a duración dos créditos finais) nos que se transmita calquera sensación que produza un forte arrepío nos espectadores.

Másnoticias

Aplazado el juicio a dos supuestos autores de un atraco en Vigo, que se enfrentan a 5 años de cárcel

Un juzgado condena en Vigo al SEPE a indemnizar con 5.000 euros a una mujer

04/06/2026

Vigo se llena de conciertos gratuitos en el chiringuito "con la mejor puesta de sol del mundo", nuevas fechas

El chiringuito de Vigo "con la mejor puesta del sol del mundo" desvela sus nuevos conciertos

04/06/2026

Como participar?

Para facer chegar á organización os traballos haberá que utilizar as redes sociais. Os participantes terán que publicar o seu vídeo incrustado nas súas propias contas de Facebook, Instagram ou Twitter, seguir nesa mesma rede ao GFFF, utilizar o hashtag #CurtaOuSusto e ademais etiquetar ao festival.

O tempo para poder participar estenderase ata o 30 de maio. Pódense consultar as bases completas na web do festival. Os mellores traballos proxectaranse na #3 edition do Galician Freaky Film Festival que polo momento mantén as datas iniciais e celebrarase do 28 ao 31 de outubro de 2020.

O certame regresa unha vez máis a sala Videodrome e a cidade co fin de achegar todo tipo de filmes de terror e serie B. O mellor do peor da industria cinematográfica de Galicia, España e o resto do mundo.

Na edición de 2019 volvéronse a bater as cifras de asistentes, superando o millar de persoas. Algo que demostra, explican dende a organización, que os xéneros clásicos máis pulp: a fantasía, a ciencia ficción, o terror, o gore e toda a serie B en xeral, seguen a ser un éxito.

O GFFF reivindica e recupera o espírito freak que acada o seu esplendor en Galicia grazas á Xeración Xabarín que bailaba os temas das bandas de Rock Bravú, cantaba o opening de Dragon Ball a pleno pulmón e pedía as películas do Vengador Tóxico no videoclube .