Tanxugueiras seguen arrasando e se erixen cos premios a mellor álbum de música de raíz e en galego

Un novo recoñecemento para elas. A gala do XV Aniversario dos Premios MIN tivo lugar este mércores á noite en Palma de Mallorca, reunindo e premiando aos artistas máis destacados da escena independente do noso país no último ano. Tanxugueiras, nominadas en sete categorías, conseguiron gañar dúas delas: "Mejor álbum de música de raíz" e "Mejor álbum en gallego" por "Diluvio", o seu último disco, editado no verán de 2022 por Calaverita Records. Na gala, presentada por Samantha Hudson, tamén foron premiados Los Estanques e Anni B Sweet (gañadores en cinco categorías) ou Biznaga (en dúas).

Este dobre recoñecemento para o trío galego chega xusto despois de recoller o mes pasado o premio "Artista Revelación Alternativa 2023" dos Premios Odeón e apenas dúas semanas despois da estrea do seu novo tema "Aire", producido por Lowlight, quen traballou con artistas como C. Tangana, Israel B, Yung Beef, Albany e un longo etcétera de músicos da escena urbana,  e na que demostran unha vez máis a súa continua exploración de novos retos e posibilidades sonoras.

Másnoticias

La naviera viguesa Mar de Ons, mejor empresa de servicios en los Premios Benfeito de Consumo

22/09/2023

O Porriño reconoce a Pancho Álvarez, Diego Giráldez y Horacio Barros como Cabezudos de Honra

20/09/2023

"Xira Midas"

Da man de PlayPlan, Tanxugueiras continuará durante todo o verán percorrendo o país coa súa “Xira Midas”, que en breve fará as seguintes paradas:

• 26/05 Fiestas de mayo | Santa Cruz de Tenerife
• 04/06 Guitiriz | Lugo
• 17/06 Festival Plenilunio Folk | Molino, Camargo (Cantabria)
• 23/06 Sestao | Bizkaia
• 24/06 A Estrada | Pontevedra
• 01/07 Asalto ao Castelo | Vimianzo (A Coruña)
• 08/07 Nits al Castell | Xàtiva (Valencia)
• 21_22/07 Festival Leturalma | Letur (Albacete)
• 15/08 Monforte de Lemos | Lugo
• 01/09 Valladolid | Valladolid