Bouzas acolle esta fin de semana a gran festa do kárate vigués

O pavillón de Bouzas acollerá esta fin de semana unha nova edición da Festa do Kárate Infantil, celebbrada dende os anos 80 pola agrupación deportiva Zanshin. Nesta trixésima primeira edición contará con 280 participantes de 5 a 20 anos en categorías que irán dende prebenxamín a sub-21.

A festa terá lugar o sábado, 28 de abril, ás 17:00 horas e reunirá durante dúas horas a karatecas dos colexios Compañía de María e San Salvador de Teis, a outros do programa municipal de escolas deportivas, ademais de valores dos clubs Shotokan e Okinawa.

Másnoticias

Aplazado el juicio a dos supuestos autores de un atraco en Vigo, que se enfrentan a 5 años de cárcel

Un juzgado condena en Vigo al SEPE a indemnizar con 5.000 euros a una mujer

04/06/2026

Vigo se llena de conciertos gratuitos en el chiringuito "con la mejor puesta de sol del mundo", nuevas fechas

El chiringuito de Vigo "con la mejor puesta del sol del mundo" desvela sus nuevos conciertos

04/06/2026

O presidente e fundador da A.D. Zanshin, Fernando Álvarez, explica que o cheo nas bancadas "está garantido", e o alcalde, Abel Caballero, que foi recibido na presentación oficial por catro rapaces do Shotokan (Natalia Martín, María Corredera, Elisa da Torre e Xián Bouzó) cun movemento denominado "man de sabre", puxo en valor "a importancia desta festa infantil" e o seu persoal "respecto polo gran traballo de Fernando Álvarez".

Caballero asegurou que o público vaise atopar "cun espectáculo marabilloso", aínda que pediu ademais aos afeccionados que observen "a filosofía que se aplica, porque é unha filosofía deportiva pero tamén é unha forma de entender a vida dende o acougo, a proximidade e o exercicio físico, e dende as mellores virtudes das persoas".

A Festa Infantil do Kárate cumpre tres décadas e é a referencia desta modalidade xunto co Trofeo Cidade de Vigo, que tamén organiza o Zanshin en novembro.

O Zanshin completará as dúas horas de festa cunha exhibición de tai chi e tamén con demostracións de kárate de profesores e alumnos que participan en competicións federadas.