Dende este luns será posible anotarse nos campamentos de verán de Tui

Este luns, 6 de xuño, abre o prazo de inscrición no Campamento de Verán “Igual é + . Tui 2022” dirixido a nenas e nenos de 3 a 12 anos. Celebrarase en tres quendas, do 27 de xuño ao 1 de xullo, do 4 ao 15 de xullo, e do 18 ao 30 de xullo, de luns a venres de 9:00 a 14:00 horas. Ofértase Aula matinal dende ás 7:45 horas e Aula mediodía ata ás 15:15 horas. O prezo da primeira quenda será de 15,28 euros, e a segunda e terceira quenda terán un prezo de 30,56 euros por quenda.

As persoas interesadas deberán presentar o impreso de solicitude e a documentación requirida até o luns 13 ben no rexistro de entrada na casa do concello ou na sede electrónica municipal. Pódense consultar as condicións e as condicións requiridas e descargar o impreso de solicitude na web municipal.

Másnoticias

La mayor Festa da Langosta de Galicia pone fecha a su nueva edición con muchas novedades

04/06/2025

El Ikfem de Tui desvela su cartel con conciertos de la talla de James Rhodes o Antonio Orozco

04/06/2025

No caso de que o número de solicitudes presentada supere o número de prazas ofertadas aplicaranse os criterios de baremación, establecidos nas condicións dos campamentos, e no caso de empate aplicarase a orde de presentación da documentación.

No campamento “Igual é + Tui 2022” os nenos e nenas realizarán actividades nas que se traballará a igualdade, xogos deportivos, obradoiros de cociña, paseo en barco polo Miño, excursións a Valença no tren turístico, e coa Fada do Aloia, tamén haberá rutas polos Muíños do Tripes e polo Camiño de Santiago. Tamén realizarán actividades na piscina municipal e ioga infantil.