Migallas Teatro trae á Guarda o seu musical "Vai ser boa!"

O Centro Cultural da Guarda acollerá o espectáculo musical "Vai ser boa!", do grupo Migallas Teatro, o vindeiro sábado 21 de abril ás 18:00 horas.

A función baséase no popular libro-disco infantil P2an de millo", publicado pola editorial Kalandraka, dirixido ao público familiar. A obra componse de cancións infantís e versións de temas tradicionais como "Pinocho", "O espantallo divertido", "Eu teño un canciño", "Miña abuela Manuela" ou "Unha vella tiña un can", producidas por Paulo Nogueira e Magoia Bodega, do grupo Treixadura.

Másnoticias

Vuelve el festival que hará viajar en el tiempo a Tomiño con música de los 80 y de los 90

22/08/2025

Arranca el Rocha Folk en Tui con conciertos, talleres, desfiles y una comida campestre

22/08/2025

A música do espectáculo está gravada, mais as voces solistas serán en vivo, polo que as cativas e cativos poderán introducirse nesta comedia musical da man dos seus protagonistas: a panadeira (María Campos) e o panadeiro (Carlos Yus). Os temas que se tratarán no espectáculo serán, entre moitos outros, a importancia da relación entre avós/avoas e as súas netas e netos, a transmisión da lingua a través da cultura tradicional e o coidado e respecto aos animais e a natureza.

As estradas para asistir á función poderán recollerse dende o sábado 14 de abril no Centro Cultural, en horario de 10:00 a 13:00 horas. De luns a venres, os tíckets estarán dispoñibles de 10:00 a 13:00 horas e de 17:00 a 20:00 horas, ata completar as prazas dispoñibles.

Esta é unha actividade organizada pola Concellería de Cultura do Concello da Guarda con motivo do Día Internacional do Libro (23 de abril), contando co financiamento da Deputación de Pontevedra ao abeiro das subvencións provinciais para a dinamización lingüística.