‘O castiñeiro do Apalpador’ chegará mañá, venres 29 de decembro, ao Rosal e o sábado, 30 de decembro, a Moaña. A actividade de monicreques, dirixida a familias con crianzas de máis de tres anos, céntrase na historia do Apalpador, que nestas datas baixa do Courel ao encontro da cativada galega.
No caso do Rosal, a cita co Apalpador será ás 17:00 horas no Auditorio Municipal, namentres que os cativos e cativas moañeses poderán coñecelo ás 12:00 horas do sábado no Centro Sociocultural Daniel Castelao.
O Apalpador é un personaxe lendario e mítico da cultura galega que vive nas fragas e altas montañas do interior de Galicia. Trátase dun xigante que viste roupa remendada, unha característica boina, fuma pipa e ten unha rechamante barba rubia. Segundo conta a lenda, o 31 de decembro baixa da montaña para visitar aos nenos e nenas galegas namentres dormen.
O seu nome explícase porque o noso home xigante das montañas apalpa a barriga dos cativos para ver se a teñen chea ou pasan fame. Tal e como recolle José André Lôpez, se están ben alimentados o Apalpador repite “así esteas todo o ano” e déixalles unas poucas de castañas. Se nota que pasan fame, o xigante non dirá nada e deixaralles tamén un puñado do froito dos castiñeiros.
A figura do Apalpador foi especialmente popular na zona do Courel e do Cebreiro e está a ser recuperada nos últimos anos polas diferentes administracións como parte da recuperación da cultura e mitos galegos.
Se trata de International Conference on Quantum Cryptography, QCrypt, un evento que, por primera vez en su historia, se celebra en España
Puedes encontrarnos en nuestras redes sociales o, si lo prefieres, ponerte en contacto con nosotros a través de [email protected]
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL