Os rechouchíos volven soar en Moaña con actividades para a rapazada

O programa rechouchíos de dinamización lingüística soa cada vez con máis forza no Concello de Moaña. As actividades, que contan con eventos promovidos pola Deputación de Pontevedra, a través de Pontegal, a Xunta de Galicia, e o propio Concello, irán dende os contacontos ao teatro, pasando por un espectáculo de maxia.

En concreto, o programa entre febreiro e marzo estará composto por tres contacontos (“Os contos de Contiario”, “O pozo das señoras” e “Elas tres: a nena, a raíña e a bruxa”), un espectáculo de maxia (“Cinematomago”) e unha representación teatral da man de Baobab Teatro (Puño puñete). Todas as actividades están destinada a público infantil e familiar.

Másnoticias

Nace “Paisaxe sonora”, cinco rutas por Moaña nas que a natureza mestúrase coa música de raíz

25/03/2023

La Reconquista y otros 10 planes para despedir el último fin de semana de marzo en Vigo y su área

23/03/2023

Pode interesarche: Así foi o Enterro da Xoubiña en Moaña (vídeo resumo)

Os espectáculos celebraranse semanalmente en diferentes puntos do municipio, pasando polas diferentes parroquias. Así, visitarán o Centro Sociocultural Rosalía de Castro de Domaio, o Multiusos de Meira, o Centro Sociocultural de Castroviejo en Tirán, o IES As Barxas e o Centro Sociocultural Daniel Castelao en Quintela.

O primeiro dos eventos será este mesmo venres, 23 de marzo, da man de Os Contos de Pablísimo con “Contiario”. Neste espectáculo achéganse os contos máis raros, interesantes e exóticos do mundo e é que collen todo tipo de contos. Contos que comezan ao revés, contos con moitos finais, contos de nunca rematar, fábulas, cantares de cego ou adiviñas…

O contacontos está orientado para nenas e nenos a partir dos tres anos e arrancará ás 18:00 horas no Centro Sociocultural Rosalía de Castro de Domaio. A actividade é de balde, como todas as do programa Rechouchíos.