Aberta a inscrición para a primeira DepoAndaina do verán na Vía Verde do Salnés

A Deputación de Pontevedra abre este luns, 28 de xuño, o prazo de inscrición para a primeira das DepoAndainas deste verán, que transcorrerá o domingo 18 de xullo pola Vía Verde que une os concellos de Caldas de Reis, Portas e Vilagarcía de Arousa. As persoas que desexen realizar esta actividade, destinada á poboación en xeral e de carácter gratuíto, terán que encher un cuestionario que está dispoñible na web da Deputación ata completar o aforo de 200 prazas. O prazo para inscribirse remata o 12 de xullo e, no momento no que se completen as prazas, todas aquelas persoas que queiran participar na actividade pasarán a formar parte dunha lista de agarda na que se incluirá a un máximo de 100 persoas.

O percorrido desta primeira DepoAndaina será circular e sairá da Carballeira de Caldas de Reis ás 10.00 horas. Cunha dificultade baixa e 13 quilómetros de distancia, a camiñada comezará percorrendo a senda peonil en dirección ao concello de Portas, lugar onde se inicia a Vía Verde que transcorre polas antigas vías do tren. Esta senda foi financiada na súa maior parte pola Deputación de Pontevedra, que xunto a achegas dos tres concellos polos que transcorre, fixeron posible que a comarca do Salnés conte coa primeira vía destas características que transcorre integramente por Galicia.

Másnoticias

Nace en Pontevedra una carrera de trail running gratis que une dos de los castillos más 'top' de Galicia

23/06/2025

Cangas celebra su transformación urbana con la inauguración de una nueva humanización

22/06/2025

Seguintes rutas

Durante os meses do verán o programa provincial ofrecerá outras tres rutas no marco da súa sexta edición. Todas elas percorrerán enclaves emblemáticos da provincia e contarán, ao igual que esta primeira camiñada, con 200 prazas cada unha. A seguinte andaina será unha ruta polos muíños de Golfaríz, no concello da Estrada, o domingo 1 de agosto e o seu prazo de inscrición abrirá o 19 de xullo. A continuación, as DepoAndainas chegarán ao concello de Mondariz cun percorrido polo río Tea o domingo 22 de agosto, para poder participar nesta camiñada será preciso reservar praza a partir do 2 de agosto. A derradeira destas rutas terá lugar o 12 de setembro pola Senda Azul do río Verdugo, en Ponte Caldeas, e o prazo de inscrición abrirase o 23 de agosto.