As Neves xa ten o seu observatorio de estrelas

As Neves xa dispón dun miradoiro para gozar da natureza. É un novo punto de encontro tanto para veciños como visitantes. O alcalde Xosé Manuel Rodríguez e a directora de Turismo de Galicia, Nava Castro, visitaron hoxe este espazo que forma parte dos máis de 100 lugares beneficiarios da última convocatoria de axudas coa que a Consellería de Cultura e turismo impulsa en infraestruturas turísticas do rural galego.

O Concello de As Neves recibiu unha subvención de preto de 30.000 euros que permitiron dar forma á rede de observatorios nocturnos e miradoiros deste xeodestino. Inclúense, ademais, no compromiso do Executivo galego por diversificar a actividade turística e dotar aos concellos de instrumentos que lles permitan poñer en valor recursos con potencial e atopar no turismo unha oportunidade de desenvolvemento sociocultural.

Másnoticias

As Neves abre sus piscinas al aire libre y Barro pone fecha al primer chapuzón en las suyas

23/06/2025

Baiona recibe 36 distinciones por su calidad turística y estas son las experiencias premiadas

18/06/2025

No caso de As Neves, este miradoiro está situado en San Nomedio, na parroquia de Taboexa, onde se pretende impulsar a observación nocturna das estrelas aproveitando a altitude do monte, de gran pendente e que permite contar cunhas vistas privilexiadas da comarca.

Con iniciativas como esta, a Xunta contribúe a sufragar actuacións de embelecemento, recuperación e tratamento paisaxístico do contorno dos recursos turísticos do rural galego, así como iniciativas de iluminación ornamental dos recursos turísticos, a creación de miradoiros paisaxísticos ou actuacións de embelecemento dos bens aclarados de interese cultural ou cun procedemento de declaración xa iniciado.