O Morrazo é natureza, historia viva, cultura e tradición oral. Esta é a imaxe que os tres municipios que conforman a comarca, Moaña, Cangas e Bueu, buscan potenciar dentro da súa nova estratexia turística, presentada este venres. Tradúcese nunha nova marca e en novas liñas de actuación. Os municipios queren potenciar o turismo de calidade, familiar e de respecto polo medio, cada vez máis en auxe.
A nova marca nace baixo o paraugas da Mancomunidade do Morrazo en colaboración coa Axencia de Turismo de Galicia, que subvenciona parte da iniciativa, e de Fecimo. A nova marca pretende crear novos eixos de actuación cos que apoiar ademais a un sector que está a sufrir enormemente debido a pandemia do coronavirus. Ten un orzamento de 30.000 euros e crea dous produtos, o “Morrazo Natural” e o "Morrazo Máxico” ao que se suma o “Morrazo Cultural”.
“Buscamos potenciar o público familiar e apoiarnos no misticismo propio da nosa aterra que é moi rica en tradición oral” explica a presidenta da Mancomunidade e alcaldesa de Moaña, Leticia Santos.
O xeodestino do Morrazo nace cun estudo dos recursos naturais, que permita a convivencia entre turismo e respecto polos medio ambiente e a conservación natural. Porén, a parte máis innovadora da nova estratexia chega co produto turístico “O Morrazo Máxico”. A Mancomunidade pretende, a través da narrativa dos mitos, lendas personaxes do territorio, aportar unha visión emocional que permita a conexión da identidade e a cultura inmaterial co propio turista. Nunha aposta turística sobresaturada de sol e praia, O Morrazo amosa o seu poder diferenciador na autenticidade da súa propia cultura.
O xeodestino apoiase asemade no turismo de experiencia, co que atraer a aqueles que buscan coñecer pero tamén interactuar co destino. Entre as liñas que se fomentarán está o turismo industrial, o familiar e o turismo activo. Toda a nova estratexia traducirase agora nunha web que permitirá consultar os diferentes recursos e consultar guías sobre viaxes de fin de semana e experiencias naturais en calquera dos tres municipios.
Nueva oportunidad para descubrir la historia de Vigo en uno de los escenarios más especiales del pasado de la ciudad
La provincia de Pontevedra solo tiene una playa fluvial con bandera azul. Es de agua cristalina y tiene una cascada, apúntatela
Descubre esta poco conocida cascada de la Ribeira Sacra a través de su nuevo mirador. Apúntate esta escapada top en Galicia
El norte de Portugal cuenta desde hace meses con un sorprendente y novedoso mirador 360 grados. Está a más de 1.000 metros de altura
Supón un fito no eido da acuicultura sustentable e podería reducir a dependencia dos bancos naturais
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL