Once visitas xerais sobre historia e patrimonio e outras máis temáticas centran o programa de visitas culturais gratuítas que organiza o Concello de Tui para o mes de decembro.
Tanto mañá sábado coma o domingo as visitas centraranse na época medieval. O sábado, 2 de decembro, o percorrido “As murallas medievais” realizarase a través dun paseo polas murallas fernandinas do século XII, no que os asistentes poderán ver tanto o perímetro amurallado coma outros elementos configuradores da personalidade da cidade en moitos dos tramos. Xa o domingo a visita “Cidade medieval” permitirá recoñecer o trazado medieval que perdura dende o século XII até a actualidade con moitas das vivendas e edificios que marcan ese período histórico.
A próxima cita será o martes, día 5, na que “As rúas gremiais” serán as protagonistas cun paseo pola rúas Cuenca, Entrefornos, San Telmo… que na Idade Media e até o século XIX mantiñan no seu nome as profesións dos distintos gremios.
O mércores 6 “O criptoxudaísmo en Tui” será o título da visita a realizar na que se poderá coñecer a presenza das familias xudeu conversas na cidade a partir do século XVII, a través das marcas de cruces e outros elementos que perduran en moitas vivendas. A “Arquitectura carceraria na cidade histórica”, a “Comuna xudía medieval”, “As prazas públicas da cidade histórica” e a “ Cidade medieval” será obxectivo das visitas previstas para xoves, venres, sábado e domingo.
O programa de visitas guiadas que comezou o pasado mes de xuño concluirá o día 16 co percorrido “A arte e o Nadal en Tui” cun paseo que nos achegará a distintos elementos do patrimonio tudense vinculado as festas de Nadal. Todas as visitas sairán ás 19.15h dende a Praza da Inmaculada e serán guiadas polo historiador tudense Suso Vila.
Programa previsto:
*Saída ás 19.15h dende a Praza da Inmaculada
Venres 1 – Cidade histórica
Sábado 2 – As murallas medievais
Domingo 3 – Cidade medieval
Martes 5 – As rúas gremiais da cidade
Mércores 6 – O criptoxudaísmo en Tui
Xoves 7 – Arquitectura carceraria na cidade histórica
Venres 8 – Comuna xudía medieval
Sábado 9 – As prazas públicas da cidade histórica
Domingo 10 – Cidade medieval
Venres 15 – Cidade histórica
Sábado 16 – A arte e o Nadal en Tui
Nueva oportunidad para descubrir la historia de Vigo en uno de los escenarios más especiales del pasado de la ciudad
La provincia de Pontevedra solo tiene una playa fluvial con bandera azul. Es de agua cristalina y tiene una cascada, apúntatela
Descubre esta poco conocida cascada de la Ribeira Sacra a través de su nuevo mirador. Apúntate esta escapada top en Galicia
El norte de Portugal cuenta desde hace meses con un sorprendente y novedoso mirador 360 grados. Está a más de 1.000 metros de altura
Supón un fito no eido da acuicultura sustentable e podería reducir a dependencia dos bancos naturais
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL