Roteiro a través do Camiño de Santiago por Redondela e as lendas que agocha

O Concello de Redondela organiza este domingo un roteiro a través do trazado do Camiño de Santiago Portugués ao seu paso por Redondela. A andaina, cun percorrido de 5 quilómetros, estará guiada por Xurxo Constela, arqueólogo de A Citania, e é totalmente de balde.

Ao longo de tres horas de duración aproximada, os asistentes poderán percorrer parte da vía romana XIX, que unía Braga con Astorga ao seu paso por Galicia, coñecerán tamén lendas e tradicións como a relacionada coa “bañeira da moura” ou os miliarios de Sobreiro, en Cesantes. A ruta, finalizará no Alto da Cabaleira en O Viso, onde se poderá desfrutar dunhas impresionantes vistas á Illa de San Simón.

Másnoticias

El impacto del Xacobeo en Vigo: más de 1.000 peregrinos se han alojado en el albergue de O Berbés

24/05/2022

O Goberno de Redondela leva a Pleno uns orzamentos sen débeda e máis política social

21/05/2022

Para participar neste roteiro non é necesario inscribirse e os interesados soamente deben presentarse na Capela de Santa Mariña (N-550) ás 10:00 horas da mañá. Debido a que o percorrido non é circular, recomendase deixar un vehículo aparcado no contorno do Alto da Cabaleira, O Viso, para poder volver ao punto de partida.