Ruta por Ponte da Lima este sábado entre Caminha e A Guarda

Este sábado, 7 de outubro, celebrarase a derradeira das seis andainas que conforman o calendario organizado polo Concello da Guarda e a Cámara Municipal de Caminha para este ano. Nesta ocasión, os participantes poderán gozar dun percorrido polo municipio portugués de Ponte de Lima a través da coñecida ruta das Lagoas de Bertiandos e São Pedro de Arcos.

O autocar sairá da explanada da Sangriña ás 8:00 horas en dirección Caminha, onde os participantes guardeses se xuntarán cos portugueses e, xa reunidos, continuarán a viaxe cara Ponte de Lima.

Másnoticias

Uvas, chocolate caliente y música para animar la San Silvestre solidaria de Tui

14/11/2025

Nueva imagen para uno de los principales espacios culturales de Tomiño, así ha transformado su auditorio

13/11/2025

A andaina comezará na Serra d´Arga (Cerquido) e terminará en Ponte de Lima, cun percorrido total de 20 km e baixa dificultade. Durante a camiñada, os asistentes baixarán pola ladeira da Serra d´Arga dende Cerquido ata Bertiandos, atravesando áreas incluídas na Rede Natura.

Así, visitarán o río Lima, lugar de importancia comunitaria e principal punto de interese de paisaxe e os valores naturais asociados aos recursos hídricos, ás áreas e actividades agrícolas e a varios elementos do patrimonio histórico-cultural do que son exemplos os muíños e pontes.

Percorrendo a Área de Paisaxe Protexida das Lagoas de Bertiandos e San Pedro de Arcos, atravesarán o Río Estorãos a través da ecovía das Lagoas ata Ponte de Lima.

Faremos unha parada xunto ao Solar de Bertiandos despois do paseo na zona das lagoas. Ao remate, xa en Ponte de Lima, haberá tempo para visitar a vila. O regreso dos participantes á Guarda está previsto a partir das 19:00 horas.