A Feira do Requeixo das Neves celébrase... na casa

O coronavirus arrebata milleiros de vidas. Muda a nosa vida diaria, un cambio que nos obriga tamén prescindir das nosas festas. A normalidade poñíanos este 10 de abril, Venres Santo, nas Neves. Ía ser un día de troula, unha xornada para degustar este tesouro gastronómico que estaría acompañado de diferentes propostas como o “pregón gastronómico” do chef Iñaki Bretal ou o concerto de Xabier Díaz.A cita aprazouse ao 11 de outubro. Sen embargo, o Concello quere que este 10 de abril todas a todos festexemos dende as nosas casas esta festa declarada de Interese Turístico de Galicia.

As Neves sinala que abril é o mes perfecto para consumir requeixo e mel. Por iso, o Concello pon en marcha #RequeixoNaCasa, un xeito de compartir este produto tan típico do municipio do mesmo xeito que se estivésemos na Feira, aínda que neste caso dende as nosas casas.

Másnoticias

Una fiesta de las Rías Baixas ficha a una de las "revoluciones" del pop español para un concierto gratis

25/07/2026

La Guardia Civil recupera 8.000 euros de una estafa al Concello de As Neves: ya tienen al presunto autor

24/07/2026

A idea desta acción que lanza o Concello das Neves é lembrar a calidade, a particularidade e o saber destes dous produtos tan queridos polos nevenses, subindo ás redes socias fotos e vídeos coa etiqueta #RequeixoNaCasa nos que o requeixo e o mel sexan os grandes protagonistas. As imaxes poden ser elaboracións de receitas, degustacións, historias, mesmo cancións ou refráns relacionados co requeixo e o mel. Preparen os seus padais para festexar a “primeira parte” desta Feira do Requeixo e do Mel 2020. A segunda, o vindeiro 11 de outubro.