A Orquesta Sinfónica de Galicia volve ao Auditorio Mar de Vigo

O Auditorio Mar de Vigo continúa apostando forte pola música clásica na súa programación e ofrecerá por segundo ano consecutivo oito concertos da nova temporada da Orquesta Sinfónica de Galicia (OSG). Estes concertos comezarán o vindeiro mes de outubro e prolongaranse durante varios meses ata maio de 2019. O concerto que abrirá o ciclo terá lugar o vindeiro 11 de outubro e OSG estará dirixida por Christian Vásquez, interpretando obras de Chaikovski, Ramsy- Korsakov, Arturo Márquez, Juan Pablo Moncayo e Zequinha Abreu. O 8 de novembro será o segundo dos concertos da OSG, que nesta ocasión estará dirixida por Andrey Boreyko e terá como convidada solista á violinista Leticia Moreno para interpretar un repertorio composto de obras de Mahler, Szymanowski e Zelimski. O 13 de decembro celebrarase o terceiro concerto do ciclo, consagrado por completo á Sinfonía n.5 op.47 en re menor de Dimitri Shostakovich, onde a Orquesta estará dirixida por Andrew Litton.

O primeiro dos concertos de 2019 terá lugar o 31 de xaneiro, e neste caso a OSG estará dirixida polo director esloveno Dima Slobodeniouk, que xa o pasado ano dirixiu con gran éxito a OSG nun dos concertos ofrecidos no Mar de Vigo. Baixo a batuta de Slobodeniouk estará convidado como guitarra solista Pablo Villegas, para executar un repertorio con pezas de Anatoli Lyadov, Serguéi Rachmánimov e Joaquín Rodrigo. O 9 de marzo chega o turno do tenor José Manuel Zapata, que estará ó fronte da formación como director e como solista. Nese mes haberá dúas actuacións, xa que o 21 de marzo, a Orquesta Sinfónica de Galicia estará de novo en Vigo, dirixida nesta ocasión por Clemens Shuldt, e como solista o violinista Sergey Khatchatryan, interpretando obras de Brett Dean, Shostakovich ou Jean Sibelius. A penúltima das actuacións do ciclo será o 25 de abril e a Orquesta estará neste ocasión baixo a batuta de Daniel Bjiarnason, con Leila Josefowicz como solista no violín, para interpretar obras de Colin Matthews, Sibelius e Marcos Ferández- Barrero.

Másnoticias

Aplazado el juicio a dos supuestos autores de un atraco en Vigo, que se enfrentan a 5 años de cárcel

Un juzgado condena en Vigo al SEPE a indemnizar con 5.000 euros a una mujer

04/06/2026

Vigo se llena de conciertos gratuitos en el chiringuito "con la mejor puesta de sol del mundo", nuevas fechas

El chiringuito de Vigo "con la mejor puesta del sol del mundo" desvela sus nuevos conciertos

04/06/2026

É do teu interese: Consulta o avance da programación otoño-inverno do Mar de Vigo

Por último, este intenso ciclo pecharase o 30 de maio, cunha última actuación dirixida por Carlo Rizzi, na que se interpretarán pezas de Ildebrando Pizzetti, Claude Debussy e Richard Strauss.

Os concertos celebraranse no Auditorio Mar de Vigo sempre ás 20:30 horas da tarde e as entradas están xa á venda na plataforma de Ataquilla. Todas as actuacións terán os mesmos prezos, 16 euros para as zonas dianteiras A e B, 14 euros para a zona C e 12 euros para a zona D, ós que lle hai que sumar os gastos de xestión. Hai tamén un abono para os oitos concertos que ten un prezo de 102,40 euros para as zonas A e B, 89,60 euros para a zona C e 76,80 euros para a zona D.