Aberta a solicitude de invitacións para asistir á Gala da Memoria de Pontevedra

A Deputación de Pontevedra, a través do departamento de Memoria Histórica, vén de habilitar a inscrición para asistir á "Gala da Memoria", un evento musical e audiovisual que se se celebrará no Pazo da Cultura de Pontevedra e que estará aberto ao público contando cun cartel de luxo: Uxía, Sheila Patricia, Pedro Pastor, Wöyza, García MC, Su Garrido Pombo e Eladio Santos. Poranse enriba do escenario unha miscelánea de artistas de moi diferentes xéneros que coas súas voces, en solitario e a través de duetos e colaboracións, homenaxearán ás vítimas da ditadura co gallo do 85 aniversario dos asasinatos de A Caeira.

Todas as persoas que queiran asistir poderán facelo ata completar aforo (772 prazas) totalmente de balde, mais será preciso reservar praza previamente no formulario dispoñible na web da Deputación.

Másnoticias

Reunión clave con Adif para impulsar la gran Vía Verde que unirá Vigo y Pontevedra

14/11/2025

La música seguirá sonando en siete escuelas de Vigo con el apoyo de la Diputación

09/11/2025

O espectáculo pretende ser unha nova oportunidade para visibilizar que a música é unha ferramenta poderosa e unha boa aliada da memoria histórica para reivindicar, xerar emocións, e conectar co público a través tamén do humor, rebeldía, irreverencia e compromiso. No evento haberá espazo tamén para a creación audiovisual de Juanma Lodo, un dos talentos da vídeocreación galega. María Lado e Lucía Aldao (Aldaolado) serán as conductoras do acto, abordando a memoria na provincia a través de pequenos monólogos.