Cinco formas de celebrar o Día de Galicia

Galicia está de festa. Os galegos e as galegas están ante un día especial. Sentir Galicia é tamén gozar do que nos ofrece. Os espazos naturais, as súas idílicas praias ou as festas que cada verán permítennos desfrutar de cada un dos nosos rincóns. Para este 25 de xullo, en Metropolitano.gal queremos propoñer cinco maneiras para sacar o máximo partido a todo aquilo que nos fai vivir como galegos.

1 - Muíños do Folón e do Picón

Másnoticias

Nuevo paso para que la futura senda peatonal y ciclista Vigo - Nigrán sea una realidad

05/06/2026

Tui deja huella en el jardín de un parque inaugurado en la ciudad alemana de Versmold

05/06/2026

Galicia é riqueza natural. As posibilidades de facer unha escapada son case infinitas. Unha das favoritas para nós é este conxunto arquitectónico único en España e declarado Ben de Interese Turístico pola Xunta e que está ubicado a poco máis de 3 quilómetros do centro urbán do Rosal. A súa historia e como chegar o contamos aquí.

2 - Un baño nas súas praias

Galicia tamén destaca polos seus arenais. Ademais dos populares de Samil, O Morrazo ou Praia América, as opción son moi variadas. Unha das nosas propostas para este caluroso 25 de xullo é a praia de Fortiñón, en Saians. Esta é outras opcións para darse un bo baño en Vigo e a súa área metropolitana, aquí.

3 - A Roda (Baiona)

As festas do verán en Baiona continúan co concocerto do grupo A Roda na xira do seu 40 Aniversario, unha conmemoración que comezará ás 23:00 horas na Praza do Concello de Baiona. A tradicional banda folk galega fará unha viaxe de 40 anos coas cancións más representativas da nosa terra e unha nova "colección" de temas deseñados especialmente para este "tour".

4 - Rilla na Rúa (Nigrán)

Nigrán celebra dende este mércores ata o vindeiro domingo este evento gastronómico que ten lugar no Paseo de A Ramallosa. A feira gastronómica contén un total de 14 food trucks con diversas propostas, ademais de actuacións musicais.

5 - Galicia, terra de "sendeiros azuis"

O sendeiro do Roteiro de Donón percorre a Costa da Vela a través dun espazo de gran valor natural, paisaxístico e arqueolóxico. Cunha lonxitude de 10 quilómetros, a ruta permite visitar xacementos arqueolóxicos, hórreos, os faros de Punta Subrido e Punta Robaleira e gozar dunhas impresionantes vistas das Illas Cíes.

A ruta circular, que pode facerse en preto de 3 horas, tamén pasa polo arenal de Melide, enmarcado por tres faros e dentro dun Espazo Natural Protexido.