Cultura e cervexa únense na Guarda coa volta das "Barferencias"

As "Barferencias" constitúen xa un clásico na programación de inverno na Guarda. Concibidas como charlas de carácter informal, buscan espallar a cultura máis aló dos centros culturais ou salas de conferencias, trasladando así a divulgación sobre diferentes temas ós bares e cafeterías guardesas. Cada un dos faladoiros conta coa intervención dunha persoa especialista na materia a tratar, encargada de guiar a sesión.

A primeira "barferencia" desta edición realizarase este venres, 3 de novembro, ás 20:30 horas no local Arruaz. O protagonista do encontro será o Pai Baltasar Merino, botánico e meteorólogo xesuíta cuxo centenario de pasamento se conmemora este 2017. O presidente de OR.PA.GU., Joaquín Cadilla, será o encargado de guiar a charla, titulada «O Pai Baltasar Merino e o seu libro ‘Estudio sobre las Borrascas de la Costa Occidental de Galicia (1893)».

Másnoticias

París de Noia anuncia cuándo actúa en Galicia en el mes de septiembre, con doble cita en el área de Vigo

30/08/2025

Naufraga un pesquero de Vigo con 11 tripulantes a bordo, todos ya a salvo

29/08/2025

A represión franquista, o megalitismo galego, a rasa costeira e a lamprea serán os temas que se tratarán nas vindeiras sesións, celebradas un venres de cada mes ás 20:30 horas nos bares da nosa vila.