Dakidarría presenta en Vigo o seu novo disco "Colaxe"

Dakidarría, referente da música contestataria do país, chegará o vindeiro 6 de maio á sala Master Club de Vigo para presentar o seu novo disco, ‘Colaxe’. Unha noite na que os acompañarán como convidados a banda La Quinkillada. A banda, que vén de actuar no Viña Rock, comeza así a rodar coa súa xira ‘Colaxe Tour 22’ para facer soar o seu novo disco, ‘Colaxe’, en salas e festivais de toda a Península.

Colaxe é o sexto disco de estudio de Dakidarría onde o grupo percorre as diversas influencias musicais que o fixeron medrar e chegar ata o presente nun estado de forma envidiable tras 18 anos de carreira. Con ampliación da súa formación, a agrupación musical retoma a estrada neste 2022 para descargar a emoción, a enerxía e a adrenalina dos seus concertos en todos os lugares que sexa posible. Novas caras que buscan dar máis fluidez e dinamismo a un show que, se antes era incendiario, agora promete ser explosivo. Un combo que pretende arrasar os palcos e que vai deixar pegada na escena musical galega.

Másnoticias

Lanzan nuevos viajes entre Vigo a Oporto por menos de 6 euros con una oferta exprés

21/04/2025

Nace una cafetería en Vigo para convertirse en el punto de encuentro de runners y deportistas

21/04/2025

As entradas para desfrutar do seu directo en Vigo están xa á venda. Poden adquirirse a través da plataforma Wegow a un prezo de 12 euros, máis gastos de xestión.

Logo de 18 anos dende a súa formación e unha bagaxe máis que interesante de discos e concertos, Dakidarría etiquétase como unha banda histórica no panorama galego e estatal. Acadan a maioría de idade co lanzamento do seu sexto disco de estudo “Colaxe” posicionándose como a banda de referencia no eido da música contestaria galega.

Dakidarría fusiona ska, reggae, punk-rock e ritmos urbanos cheos de enerxía a través da complicidade, forza e sinceridade das súas revolucionarias letras, nas que se chegan a incluír ata doce linguas diferentes. O seu prato forte son os directos, atrevéndose tanto con pequenas salas como con grandes festivais.