Chegou o día. Bueu celebra esta fin de semana os 18 anos da súa Festa do Polbo. Dende hoxe ás 19:30 horas e até o domingo, a vila do Morrazo ofrecerá até 20 variedades de polbo a prezos que van dende os 5€ e até os 8,50€, segundo a ración.

A festa arrancará o 11 de agosto ás 19.30, momento dende o que xa se poderá gozar das especialidades e do polbo á feira, que tamén serán ofertados o sábado de 12.30 a 16.30 e de 19.30 a 00.00, e o domingo, das 12.30 a 16.30 e das 20.00 a 00.00 horas.

Másnoticias

Precio y platos de la Festa da Zorza de Pontellas, que repartirá 2.800 raciones en O Porriño

O Porriño ya "cocina" su próxima gran fiesta gastronómica, precios y horarios de la Festa da Zorza

13/11/2025

Bueu se despide del Entroido y entrega los premios a las mejores agrupaciones y comparsas

El Entroido se adelanta en Bueu con un desfile cargado de tradición

08/11/2025

Que variedades se ofrecerán?

Rosa de los Vientos ofrecerá, por un custe de 5.00 €, empanada de polbo de trigo, empanada de polbo de millo, croquetas de polbo á feira, arroz de polbo, fabas con polbo e paté de polbo á feira; e por 8.50 €, polbo á prancha con cachelos, polbo frito en Aires de Jaén, polbo á feira, e polbo en caldeirada.

Pola súa banda, O Rincón de Cela presentará empanada de polbo de millo e trigo, wok de polbo, e croquetas de polbo, todas por 5.00 €; mentres que por 8.50 €, os e as comensais poderán probar o polbo á feira, o polbo á prancha, polbo en caldeirada, a pizza de polbo, e o carpaccio de polbo con ourizos e afumado guerande.

Poñéndolle música a un bo polbo

A que será a festa máis especial e emotiva, inclúe a actuación da Banda de Gaitas Manxadoira o sábado, seguida do pregón a cargo de David Novas, modelo e actos nado en Bueu e que ten participado en series tan recoñecidas como Serramoura ou Vidago Palace, ademais de ser da canteira do grupo de teatro do IES Johán Carballeira coñecido como Comediantes Anónimos.

Dado que o ano pasado se contou co grupo Treixadura e resultou unha experiencia complementaria moi interesante para este evento, desta volta será a quenda de Pelepau, un grupo vigués conformado por doce percusionistas todos eles mestres en escolas e agrupacións de música tradicional de recoñecido prestixio nacional.

A actuación terá lugar o domingo, 13 de agosto, ás 19.30 horas, na mesma carpa do Campo da Estacada.