"O segundo caderno de Bueu" homenaxea a Maruja Mallo na vila do Morrazo

Case unha trintena de artistas exporán a partir deste venres unha serie de traballos homenaxe a Maruja Mallo en Bueu. A mostra é o produto da ruta artística organizada en maio deste ano para tratar de revivir a experiencia da autora viveirense durante a súa estadía en Bueu no verán de 1936.

Maruja Mallo, que forma parte da xeración do 27 e a vangarda interior española, viviu o golpe militar do 36 en Bueu. Atopábase na vila do Morrazo xunto co sindicalista Alberto Fernández “Mezquita” nas súas vacacións de verán. Froito desa breve pero intensa experiencia bueuesa, a artista galega publicou o seu “Cuaderno de Bueu”, que serviu de influencia a toda a súa obra posterior.

Másnoticias

Hacen una barbacoa en mitad de una de las playas más famosas de las Rías Baixas: "Una barbaridad"

10/07/2025

Un ciclista resulta herido grave tras ser atropellado por un coche en Cangas

10/07/2025

A mostra, que leva o lema de “Segundo Caderno de Bueu”, será inaugurada este venres ás 20:30 horas na sala de exposicións Amalia Domínguez Búa. As creacións que se poderán ver ata o 3 de setembro, recollen os debuxos, ilustracións e textos nacidos tras a ruta artística organizada polo Concello de Bueu o 14 de maio, e comandada polos pintores Antón Sobral e Nanda Cabaleiro.

Así, as persoas que se acheguen verán os traballos de Eduardo Baamonde, Pilar Barral, Bagoa (Ale Cid), Marisa Calderón, Cecilia Descalza, Loli Docampo, Luz Díaz López, Ariadna Domínguez, Rosario Español, Cristina García Cao, Catalina Gómez, Maribel Longueira, Olga López, Adela T. Maroño, Noemi Méndez – Benegassi, Francisco F. Naval, Yolanda Novo, Carmen Quinteiro, María Rey, María del Carmen Sancho Blanco, Enrique Toba Nardín, Mariña Torres, Uxía Torres, Xaime Toxo, Javier Vilariño, Nanda Cabaleiro e Antón Sobral.

A mostra poderá visitarse de luns a domingo de 11:00 a 15:00 horas e de 17:00 a 20:30 horas na Sala de Exposicións Amalia Domínguez.

Maruja Mallo en Bueu

Esta actividade lembra a estadía de Maruja Mallo na vila bueuesa, concretamente en Beluso, no verán de 1936, xusto cando irrompeu o golpe de estado. Así, durante este ano, promovéronse diversos eventos que lembran este fito en Bueu, tales como a conferencia do historiador de arte Carlos López Bernárdez con motivo da programación do 8 de marzo, ou a celebración por parte da Deputación de Pontevedra do Día das Artes Galegas o 1 de abril a través dun contacontos para a rapazada e un acto institucional na Casa do Pobo de Beluso.

Así mesmo, é destacable a presenza que tivo a figura da pintora vangardista nas alfombras florais do municipio con motivo do Corpus Christi deste ano, e o pintado dun mural polos compoñentes de Polo Correo do Vento nun dos laterais da Casa do Pobo.