Gastronomía, agricultura e produtos de outono este domingo na Feira ECOartesá de Moaña

Coa chegada do outono, Moaña retoma unha das súas citas xa históricas que ademais permiten desfrutar dun domingo e ocio e descubrimento de produtos da terra. A Feira ECOartesá de Moaña chega este 9 de outubro á contorna do Palco da Música, con música, actividades infantís e alimentos de tempada e da horta.

A cita, que vai xa pola súa décimo terceira edición, contará con medio centenar de postos que se instalarán no paseo marítimo, nun entorno privilexiado do municipio.

Másnoticias

Un "jabalí acuático" nadando y saltando sorprende en las Rías Baixas a las mariscadoras

02/11/2025

Amancio Ortega cobra otros 1.500 millones por Inditex y suma más de 3.100 en lo que va de año

02/11/2025

Os asistentes poderán adquirir produtos de horta de quilómetro cero, mel, especia ou froitos secos, así como repostaría, pan ou empanadas. Ademais do apartado gastronómico, tamén haberá xabóns e produtos de cosmética natural, xoguetes, instrumentos artesáns, pratería, artesanía de coiro e produtos de segunda man (libros, discos e antigüidades). Neste espazo instalarase tamén unha polbeira.

A cita arrancará ás 11:00 horas e se prolongará até ás 21:00 horas. Contará con actuación en sesión vermú das pandeireteiras "Salgharitas" de Moaña, actividades para a rapazada coa Asociación Trebellos (manualidades con material de refugallo e con follas secas) e actuación infantil de “Pajarito”. Os asistentes poderán contemplar e montar cabalos grazas a ADOC a partir das 16:00 horas. A Feira rematará coa actuación do grupo "2 con 2".