Unha das artistas máis recoñecidas no panorama musical de Galicia, Guadi Galego, súmase á programación de concertos de outono do Auditorio Mar de Vigo. A artista de Cedeira, que comezou a súa carreira musical en 1997 con Berrogüeto, atopase agora inmersa no seu último traballo, “Inmersion”. Un novo proxecto no que reinterpreta a súa propia música explorando territorios musicais diferentes.
O concerto de Guadi Galego en Vigo terá lugar o sábado, 16 de novembro, ás 20:30 horas no hall do auditorio vigués. Será precisamente neste particular espazo, con vistas privilexiadas ao porto marítimo da cidade olívica, onde Guadi presente novas versión das cancións máis especiais. Unha das voces máis consolidadas do panorama musical galego achegará o mar de Cedeira ao mar de Vigo. Un espectáculo único para o que xa están á venda as entradas en Eventbrite dende 16,76 euros.
Premio Martín Códax da Música á Mellor Artista na categoría de Canción de Autor, a artista de Cedeira acumula unha intensa traxectoria profesional que se pecha, polo de agora, con “Inmersión”. Dende Iván Ferreiro ao arxentino Lisandro Aristimuño, a creadora e intérprete e de jazz catalana Clara Peya, ou os galegos Xabier Díaz e Abe Rábade forman parte dunha ampla nómina de colaboradores que dan forma a un traballo íntimo, minimalista e arriscado.
