Igual Arte celebra 20 anos con propostas artísticas en diversos espazos de Vigo

Nos próximos meses a Fundación Igual Arte cumpre 20 e para celebralo pensa levar todas as súas propostas artísticas a diversos espazos da cidade. Co obxectivo de achegar o seu traballo ao público vigués e reivindicar o seu espazo dentro do panorama artístico da cidade, programaranse diferentes actividades e exposicións até o mes de decembro.

O pistoletazo de saída terá lugar o xoves 13 de outubro ás 19:00 horas en A Morada coa inauguración da exposición “O lugar que ocupo?” e a proxección do espectáculo “De lo íntimo”. Pola súa parte, a exposición “De película” do Grupo Revelación da propia fundación estará dispoñible en Vialia dende o 17 ata o 21 de outubro.

Másnoticias

Estudian crear una mancomunidad del área de Vigo para abordar la crisis de Eiras

25/11/2025

Atrapado en Vigo un hombre en búsqueda y captura

25/11/2025

Durante todas as fins de semana de novembro celebraranse diferentes actividades, e no mes de decembro terá lugar a estrea do espectáculo “Habitarme” da compañía de danza e teatro Al Lío, onde se pon o foco na muller, reivindicando o seu espazo a través da expresión corporal. Terá lugar o venres 16 decembro ás 20:00 horas no Auditorio do Concello.

Igual Arte é unha entidade que naceu co obxectivo de brindar un espazo onde as persoas con diversidade funcional poidan expresarse de maneira artística. Con esta idea deu comezo implementando un programa artístico, que pretende ser unha alternativa máis de lecer.

No ano 2008 deu un paso adiante, brindando ás persoas con diversidade funcional a posibilidade de profesionalizarse mediante a creación do primeiro centro ocupacional artístico. Durante estes anos foron o berce de diferentes formacións musicais (Chungo Pastel e De tapas) así como unha compañía de danza (Al Lío), un equipo de deseño gráfico (Diseñatas) e o seu actual dúo de danza acrobática e circo (Vuelta y media).