Moaña volverá a acoller, e será a sétima vez, a súa Festa da Diversidade, que este 2024 seguirá crecendo para erixirse como o faro da igualdade non só na comarca do Morrazo senón tamén en Galicia. “Queremos que sexa unha festa estupenda, inclusiva e diversa porque todos somos iguais e todos somos distintos”, explica a concelleira de Turismo, Promoción Económica e Cultural, Coral Ríos.
Con esta premisa, o Concello, en colaboración co Colectivo da Diversidade, celebrará esta festa o 31 de maio e o 1 de xuño. A primeira xornada estará pensada para actividades de carácter máis institucional, namentres que a segunda levará a programación cara o Espazo de Lecer do Beque.
Deste xeito, a primeira xornada, o venres 31 de maio, a programación comezará ás 12:00 horas cun obradoiro artístico a cargo de Sheela Tato nos Xardíns do Concello. Un dos actos centrais o protagonizará o alumnado do instituto da Paralia e As Barxas, que levarán tamén a igualdade LGTBIQ+ a espazos tan necesarios como é a adolescencia. Farán o seu desfile do Orgullo entre os dous centros educativos.
Ás 19:30 horas o coro do IES Paralaia interpretarán un tema para, a continuación proceder a lectura do manifesto a cargo de Bego Moure e Vanesa Chapela, a primeira parella homosexual de dúas mulleres que casaron en Moaña. A xornada a pecharán Pomba & Boato e Fernán Permuy, que interpretarán poesía con música de guitarra, e María Flatri que pechará o acto cun himno da diversidade.
O sábado 1 de xuño pasarase a un ambiente máis festivo que arrincará ás 10:30 horas cunha ruta de sendeirismo polo Sendeiro da Fraga. A partir das 12:30 horas comezará a sesión vermú no Beque con Las Antonias antes do Xantar popular de “Manta & Tupper”.
Ás 16:00 horas terán lugar as Rural Olimpiadas. “É algo moi chulo, con carreiras de sacos e tacones con sachos e ambiente moi agrocuir”, explica Ríos. Ás 17:00 horas comezará a Gala Drag Rural con Ángelica Venérea como mestra de cerimonias. Ás 19:30 horas terá lugar unha “Foliada Diversa” coas agrupacións Meiramar-Axóuxeres, Solaina e Tromentelo e ás 22:00 horas será o momento da música de Fransy, DAvide e Cibrán. A cita finalizará coa festa con More-Amore Djs a partir das 23:45 horas.
De xeito paralelo, pola tarde se programarán charlas de deporte inclusivo e sobre chemsex, unha perigosa práctica sexual moi estendida no sexo homosexuais, bisexuais e de homes que manteñen relacións sexuais con outros homes.
O Porriño ha anunciado un bombazo musical para sus Festas do Cristo. Habrá un concierto gratis de uno de los artistas top del pop español
Pontevedra se prepara para una nueva edición de la Feira Franca. Habrá espectáculos, representaciones, torneos medievales o exhibiciones
Vigo disfrutará en septiembre de una nueva edición de la Festa dos Pexegos. Así es esta gran fiesta que se celebra en Candeán
Esto es todo lo que se podrá disfrutar en la nueva edición de la Festa do Marisco de Vigo. Manjares y mucho ambiente marinero
O investigador Pablo Serret realizará medicións semanais na ría de Vigo durante 3 anos
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL