Moaña, capital do mundo folk cun Intercéltico do Morrazo con cinco días de grandes concertos

O Intercéltico do Morrazo é un dos festivais máis especiais que hai no verán en Galicia. Concertos e outras actividades de balde, unha boa programación de música celta e unha contorna inmellorable como ofrece o Paseo Marítimo da vila morracense. Nesta edición, a 39ª, a que demostra que a cita está na súa madurez, consolídase esa aposta tradicional que mestura grandes propostas do panorama galego como é o caso de Xabier Díaz es as Adufeiras de Salitre o Caamaño & Ameixeiras con opcións internacionais como os irlandeses Goitse e os escoceses Calum Stewart.

O festival moañés terá lugar dende o mércores 26 ata o domingo 30 de xullo. A parte dos concertos máis destacados concentrarase no venres 28 e o sábado 29, onde a partir das 22:00 horas actuarán no escenario que estará no Paseo Marítimo Caamaño & Ameixeiras e Goitse; e Xabier Díaz e as Adufeiras de Salitre -inesquecible aquela actuación de 2017 en Moaña- e Calum Stewart, respectivamente.

Másnoticias

Rescatan a una bañista en una playa de Moaña con síntomas de embriaguez

02/07/2025

Heredeiros da Crus encabeza el cartel de un festival gratuito en Moaña en julio

29/06/2025

Pero o Intercéltico do Morrazo irá máis aló destas dúas xornadas. No marco da programación da Mostra “A Moa”, a veciñanza de Moaña e os visitantes á vila morracense poderán gozar dunha serie de actuacións destacadas nas que figuran dende agrupacións folclóricas locais a apostas máis ambiciosas como as Danzas do Mundo, espectáculo que poderase gozar a través do concerto de Estatalá que terá lugar o domingo ás 20:00 horas. Nesa xornada, os amantes do vermú terán a súa disposición, ás 12:30 horas, a actuación de Pataghullos.

Intercéltico do Morrazo

Venres 28 de xullo

• Caamaño & Ameixeiras
• Goitse

Sábado 29 de xullo

• Xabier Díaz e Adufeiras de Salitre
• Calum Stewart

Programación de A MOA

Obradoiros

• Sábado 29 ás 20:30 h. OBRADOIRO DE BAILE GALEGO con Manolo Cobas
• Domigo 30 ás 19:00 h. OBRADOIRO DANZAS DO MUNDO con Suso Cancelas.

Actuacións

Mércores 26 ás 20:45 h. FESTIVAL DE FOLCLORE E BAILE GALEGO con desfile e actuación das bandas e cantareiras moañesas:

• Arco da vella
• Meiramar-Axóuxeres
• Breogán

Xoves 27 ás 20:45 h. FESTIVAL DE FOLCLORE E BAILE GALEGO con desfile e actuación das bandas e cantareiras moañesas:

• Gaiteiros de Moaña
• Salgharitas
• Solaina
• Charaviscas

Domingo 30

• 12:30: Concerto de Pataghullos
• 20:00: Concerto de Estatalá en colaboración don Danzas do Mundo Monteira