Moaña consolídase como referente LGTBIQ das Rías Baixas: chega a IV Festa da Diversidade

Moaña, unha vila “diversa e aberta”. Con está declaración de intencións a concelleira de Promoción Económica e Turismo, Coral Ríos, presentou a IV festa da Diversidade, coa que o municipio se consolida como referente de tolerancia nas Rías Baixas.

A cita deste ano desenvolverase con diferentes actividades paralelas, dende unha exposición até unha intervención artística que terán como punto central o xa habitual concerto no arboredo da Xunqueira. A música correrá este ano a cargo de Broken Peach, o grupo vigués que descarga vitalidade e paixón sobre o escenario coas súas versións de rock e soul mesturado co seu característico e eléctrico estilo. A cita terá lugar o sábado 5 de xuño ás 21:30 horas nunha cita presentada por María Faltri. O acceso é de balde.

Másnoticias

Una playa de las Rías Baixas se convierte en un cine gratuito para disfrutar de lo mejor del séptimo arte

21/08/2025

Una danza ancestral, grandes verbenas y queimada en una de las mayores fiestas del verano en Cangas

21/08/2025

Na xornada do domingo será o momento de inaugurar a acción artística desenvolvida este ano. Moaña, que xa inaugurou un banco LGTBIQ e outro trans, aposta agora por levar as cores da igualdade até a Praza de Abastos cos “Chanzos da Diversidade”. Terá lugar ás 12:30 horas e inclúe a representación teatral de “A Panda de Tirán con María Faltri”.

A maiores, a Casa da Mocidade contará até o 25 de xuño coa mostra “Vigo é nome de muller” un percorrido pola memoria trans da área metropolitana con imaxes recollidas pola asociación PVLSE na que, entre outras, protagoniza Carolina Smith xunta a moitas compañeiras que viviron os anos máis duros e de represión para este colectivo.

Co gallo de promocionar a festa, o Concello en colaboración co Club S.D. Samertolameu e a Plaza de Abastos de Moaña elaborou un vídeo promocional coa música de Ojete Calor e protagonizado por veciños e veciñas do municipio para defender a igualdade. Acumula xa un importante impacto en redes sociais celebrando a diversidade tamén online.