A moda converteuse xa en tradición. O inicio do verán en Moaña aseméllase ao final dos Xogos Olímpicos. Cada edición rematada é a mellor da historia. Algo así sucede na vila morrecense, que propón cada ano unha serie de argumentos para gozar da mellor época estival da nosa vida. Nesta ocasión, son un total de 45 razóns -podedes chamarlle eventos- acompañadas, como vén sendo habitual, dunha imaxe de Moaña captada pola ollada de Diego Seixo.
Este preto de medio centenar de eventos son variados. Unha especie de guía, de mapa con 45 paradas ata chegar a ese mellor verán da nosa vida. Unha das grandes novidades con respecto á programación do ano pasado é que desaparecen as restricións que marcaba a Covid, polo que a cultura gozarase, de novo, por todo o alto nunha oferta cultural e de ocio na que predominan os festivais de balde, a gastronomía, os roteiros guiados, a música, o cinema ao aire libre ou o deporte.
Pero este menú cultural e de ocio composto por 45 eventos está deseñado de tal maneira que pon en valor os diferentes recunchos de Moaña. O arboredo da Xunqueira, o Paseo Marítimo, o Parque de San Bartolomeu ou outros tesouros da vila acollerán as diferentes actividades que xa comezaron en xullo e que se prolongaran ata o mes de setembro.
Ata ese mes de setembro haberá un longo camiño de diversión, de pura cultura e puro ocio onde predominan citas como o Varadero Fest que terá lugar esta fin de semana, o Festival Intercéltico do Morrazo a finais deste mes ou o Festival de Jazz de Moaña. A nivel musical, as veciñas e veciños de Moaña e os visitantes terán a súa disposicións concertos da magnitude de Guadi Galego, Mitic ou Su Garrido Pombo.
Outra das estrelas da programación de Moaña son os roteiros guiados e de balde de “Descubre Moaña”, unha serie de andainas, algunhas delas nocturnas, que teñen como novidade un percorrido pola Poza da Moura e na que repiten itinerarios como os escenarios de “O último barco”, a última novela de Domingo Villar, a Ruta Intermareal de Tirán ou as Canteiras do Litoral. Por outra banda, o vindeiro 24 de xullo terá lugar a presentación da variante do Camiño Portugués pola Costa.
Moaña volverá a converterse nun cinema itinerante. O programa “Son de Cine”, que xa comezou o pasado 1 de xullo, levará o sétimo arte ás diferentes parroquias da vila cunha “carteleira” con filmes de diversas temáticas, tales como “Toy Story 4”, “Maixabel”, “Detective Pikachu”, “Cruella” ou “Cuñados”.
Ao longo de xullo, agosto e setembro, Moaña tamén acollerá actividades deportivas como a Festa da Bicicleta, torneos de balonmán-praia, a exposición homenaxe a Domingo Villar titulada “Moaña colle o último barco”, que estará do 2 ao 7 de agosto na Praza de Abastos ou citas gastronómicas como a Feira do Mel ou citas como A Moa, que permitirá gozar da mellor artesanía e música tradicional.
La última incorporación de Vialia Vigo inaugura oficialmente su espacio gastro con una promoción. Ofrecerá su producto estrella a 1 euro
La carrera popular Érguete e Corre volverá a convertir la plaza pública de Vialia Vigo en el inicio y final de esta prueba deportiva
Vigo volverá a disfrutar un año más del Circo de Nadal. Coia acogerá el nuevo espectáculo de una de las grandes atracciones de la Navidad
Llega la primera edición de la Festa dos Callos de Cabral. Conoce los precios, horarios y distintos platos que se ofertarán
409 mulleres e 223 homes fórmanse este curso 2024/25 nos Campus de Vigo, Ourense e Pontevedra da UVigo
No hay eventos
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL