Moaña réndese ao Fado este mércores cun concerto á beira da Ría

A vila de Moaña irmándase este mércores 4 de agosto con Portugal para ofrecer unha noite especial de paixón, sentimento e corazón coa súa “Noite de Fados”, cita musical enmarcada na programación de verán da concelleira de Promoción Económica e Turismo que dirixe Coral Ríos.

A Noite de Fados de Moaña coa que Portugal soará mais preto que nunca terá lugar no Eirao do Ferreiro, un recuncho máxico coa Ría de Vigo como pano de fondo en pleno centro da vila (Avenida de Concepción Arenal, 19). O Fado, Patrimonio da Humanidade pola Unesco, encherá de sentimento a noite a partir de 21:30 horas.

Másnoticias

Dimite el coordinador de Cultura del PPdeG por la "incompetencia" del conselleiro López Campos

19/11/2024

Moaña despedirá noviembre con una "Feira de Nadal" solidaria con mercadillo, música y comida

17/11/2024

A cita estará protagonizada pola potente voz de Marlene Rodrigues, xunto a Rui Igreja Beirão na guitarra portuguesa, Darío Rocha na viola de Fado e Alex Marques no baixo, todos eles procedentes de diferentes vilas do norte do país veciño.

O aforo previsto para un centenar de persoas irase cubrindo por orde de chegada coa apertura do recinto a partir das 21:00 horas. Do control do perímetro e aforo encargarase a Protección Civil de Moaña quen medirá a temperatura dos asistentes, que sentarán en cadeiras coa distancia de seguridade ante o covid.