A praza de San Fernando, o Paseo da Corredoira e o Teatro Municipal de Tui van ser este ano os escenarios do III Festival da Cultura Tradicional e Folk que organiza a Asociación Cultural San Telmo de Tui co patrocinio do Concello de Tui xunto a outras entidades. Este evento, que aposta pola nosa cultura tradicional, celebrarase o sábado 1, o domingo 2 e o venres 7 de xullo.

III Festival da Cultura Tradicional e Folk comezará o sábado 1 de xullo ás 20:00 horas na praza de San Fernando coa celebración do VIII Certame de Gaita e Tamboril no que van participar seis concursantes das catro provincias galegas. Ao remate, ás 22:30 horas, na mesma praza de San Fernando, estará en concerto Xosé Lois Romero e Aliboria presentando o seu segundo traballo discográfico “Latexo”. No mesmo mesturan o tribal e ritual coa música folk galega tendo coma resultado unha sonoridade propia.

Másnoticias

Un conductor de ambulancia en O Porriño triplica la tasa de alcohol y se da a la fuga

Tres personas resultan heridas tras salirse de la carretera con el coche en Tomiño

17/11/2025

Tui ya prepara su San Silvestre y desvela el horario de la carrera y el plazo para anotarse

Uvas, chocolate caliente y música para animar la San Silvestre solidaria de Tui

14/11/2025

O domingo 2 de xullo, a cita será no Paseo da Corredoira onde ás 11:30 horas terá lugar unha mostra conferencia a cargo de Yerai Souto do obradoiro de vestimenta tradicional “O Sarillo” creado en 2020 en Fene co obxectivo de recuperar a autenticidade do traxe tradicional. Xa pola tarde, ás 19:30 horas, celebrarase o VIII Día da Muiñeira no que van participar trece agrupacións de Tui, Vigo, Redondela, Marín, Ponteareas.

O III Festival da Cultura Tradicional e Folk pecharase o venres 7 de xullo ás 20:00 horas no Teatro Municipal de Tui coa estrea da obra teatral “Cartilla de racionamiento”. A entrada será de balde.

O director e dramaturgo da obra Yohel Santos González sinala que esta peza podería cualificarse coma un "caleidoscopio de emocións e memorias". Sobre o escenario presentarase un conxunto heteroxéneo de escenas que invocan ás lembranzas dos homes e mulleres que viviron a posguerra en Galicia e, en particular, en Tui. A obra é froito das entrevistas realizadas a persoas maiores de Tui nas que se plasma que tanto polo contan coma por coma o contan se pode admitir que “na memoria existen imaxes indelebles”.

Os actores e actrices protagonistas son Noa Pignol Gómez,Sergio Alfonso Agra e Miguel Alonso González, e amais aparecen tamén en escena Milagros González Monteiro, Conchi Gómez Rodríguez, Natividad Romero Domínguez, Alessia Malerba, Ana María Pedreira Sousa e Carla Solleiro Pedreira. Na parte musical están Carmen Fernández González, voz, e Eva María Fernández González, piano. O son corre a cargo de Isaac Millán Lledó e a iluminación de Nicolás Edreira Álvarez.

Tanto o director como actores e actrices propoñen xunto coas persoas de Tui, que participan na representación, diferentes atmosferas que “pretenden evocar uns anos extremadamente difíciles de soportar, xunto con algúns momentos de luz que sen dúbida deixarán ao público cun bo sabor de boca a saída do teatro” indica Yohel Santos.