Natación, ximnasia e andainas en Mos para pasar o verán “en forma”

Preto de 250 mosenses participarán durante xullo e agosto nas actividades deportivas do programa Actívate no Verán. As actividades inclúen ximnasia na auga para adultos e natación para cativos na piscina ao aire libre de San Eleuterio e andainas os mércores e venres polas mañás.

Os cursiños de natación ao aire libre para os máis cativos impártense todos os martes e xoves en horario de 11:45 horas a 12:30 horas e van dirixidos a nenos e nenas de 4 a 14 anos de idade. Nestes cursiños é necesaria inscrición previa xa que as prazas dispoñibles son limitadas.

Másnoticias

Veinte grandes conciertos en Vigo y el resto de la provincia (la mayoría gratis) para un agosto inolvidable

07/08/2022

Caldo y Os Rabizos, Pakolas o Ailá protagonizarán el festival intercéltico O Son do Pazo de Mos

06/08/2022

As clases de ximnasia na auga dirixidas á poboación en xeral celébranse tamén os martes e xoves, en horario de 11:00 horas a 11:45 horas na piscina ao aire libre de San Eleuterio.

As andainas realízanse os mércores e venres a partir das 10 da mañá nos diferentes parques do municipio comezando polo parque de Torroso.

Estas actividades realízanse nos meses de xullo e agosto e precisan de inscrición previa, xa que as prazas son limitadas. O programa deportivo Actívate no Verán iniciouse o pasado 2 de maio con clases de Zumba ao aire libre. O curso de zumba desenvólvese durante os meses de maio, xuño e xullo todos os martes e xoves en horario de 21:00 horas a 22:00 horas no parque de Costoias, na parroquia de Tameiga.