Nigrán apraza os concertos de Carlos Núñez en Monteferro

O Concello de Nigrán vén de informar sobre o aprazamento dos concertos de Carlos Núñez previstos para esta fin de semana no miradoiro de Monteferro. As citas, que se deberían celebrar este sábado 15 e o domingo 16 ao solpor quedan agora adiadas debido á previsión de choivas.

Os concertos están aprazados, que non suspendidos, polo que as novas datas serán anunciadas nos vindeiros días. As entradas manteñen a súa validez para a súa reprogramación, polo que os que xa as adquiriran non teñen que facer nada se desexan acudir na nova data elixida. Aquela persoa que o desexe pode solicitar desde xa a devolución do importe pagado indicando a través de Ataquilla o enderezo de correo electrónico co que se realizou a compra e a referencia das entradas.

Másnoticias

Vuelve el festival que llena de conciertos gratuitos el corazón de Baiona, así será Sons do Casco 2026

05/06/2026

Nigrán se prepara para un fin de semana lleno de teatro con varias representaciones

04/06/2026

Igualmente, unha vez se anuncie o día ao que se trasladan os eventos, en caso de haber entradas dispoñibles, estas volverán a poñerse á venda a través de Ataquilla (para a sesión do solpor do día 15 de agosto estaban esgotadas).