Nigrán estrea este domingo a premiada película "Matria" do vigués Álvaro Gago

O Concello de Nigrán ofrece este domingo 16 de Abril ás 20:00 horas no Auditorio Municipal a estrea da premiada longametraxe 'Matria', ópera prima do vigués Álvaro Gago. A entrada é de balde ata completar aforo. A proxección da película se encadra no ciclo de 'Cine Galego de Estrea' que o Concello iniciou a semana pasada con 'As Bestas' e que continuará o domingo 30 de Abril con 'O corpo Aberto', de Ángeles Huerta.

'Matria' nace da curtametraxe homónima de Álvaro Gago, foi estreada en febreiro con gran éxito de público e crítica na Berlinale e obtivo o Gran Premio do Xurado en Sundance e sendos premios 'Biznaga de Oro' e 'Mellor Actriz' (María Vázquez) no Festival de Cine de Málaga.

Másnoticias

Contratiempo para el nuevo cine de verano de Vigo, las proyecciones cambian de fecha por el riesgo de lluvia

28/08/2025

Música, baile y cine al aire libre para terminar agosto, esta es la propuesta de Tomiño para el finde

28/08/2025

O filme é un verdadeiro drama social no que Ramona, unha muller de corenta anos, vive sumida nun contexto laboral e persoal tenso e precario nun pobo da costa galega. Fai malabarismos con múltiples traballos para manterse á boia e proporcionar un futuro mellor á súa filla Estrella. Pero cando Estrella está preparada para tomar o seu propio camiño, Ramona dáse conta de que, por primeira vez, pode facer algo por si mesma.