O Concello de Nigrán ofrece este domingo 16 de Abril ás 20:00 horas no Auditorio Municipal a estrea da premiada longametraxe 'Matria', ópera prima do vigués Álvaro Gago. A entrada é de balde ata completar aforo. A proxección da película se encadra no ciclo de 'Cine Galego de Estrea' que o Concello iniciou a semana pasada con 'As Bestas' e que continuará o domingo 30 de Abril con 'O corpo Aberto', de Ángeles Huerta.
'Matria' nace da curtametraxe homónima de Álvaro Gago, foi estreada en febreiro con gran éxito de público e crítica na Berlinale e obtivo o Gran Premio do Xurado en Sundance e sendos premios 'Biznaga de Oro' e 'Mellor Actriz' (María Vázquez) no Festival de Cine de Málaga.
O filme é un verdadeiro drama social no que Ramona, unha muller de corenta anos, vive sumida nun contexto laboral e persoal tenso e precario nun pobo da costa galega. Fai malabarismos con múltiples traballos para manterse á boia e proporcionar un futuro mellor á súa filla Estrella. Pero cando Estrella está preparada para tomar o seu propio camiño, Ramona dáse conta de que, por primeira vez, pode facer algo por si mesma.
Ata o 5 de abril estará aberto o período de preinscrición na Escola Infantil do campus de Pontevedra, que contará con catro aulas e 51 prazas
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL