O mellor viño tinto saborease este sábado nas Neves

O outono sabe a viño tinto. As Neves estrea unha nova data para un dos seus grandes eventos do ano. O municipio pontevedrés celebra a Festa do Tinto Rías Baixas en outono en detrimento do verán. O evento, que comezará ás 10:30 horas deste sábado 12 de outubro, permitirá saborear os caldos de unhas quince adegas coa novidade que as firmas locais tamén poden servir viños brancos.

¿NO TIENES EL SERVICIO DE ALERTAS DE WHATSAPP?
Saber todo lo que ocurre en Vigo y su área metropolitana es ahora más sencillo, rápido y directo.

Darme de alta <> Quiero saber más

Todo está preparado. As Neves chega á cita tras organizar tres eventos que foron o quecemento perfecto desta nova edición da Festa do Tinto Rías Baixas. Unha cata-maridaxe, a Andaina do Tinto ou a ruta dos pinchos que remata este venres 11 de outubro permitiron ir gozando xa dunha das grandes festas galegas do outono. Cociña e o mellor viño tinto uníronse durante estes días ata o colofón final que terá lugar este sábado. Unha carpa transparente será o escenario onde arrancará o evento ás 10:30 horas coa apertura dos stands de degustación e viños.

Entre as adegas con espazo presencial están Adegas Valmiñor, Adegas Eidosela, Adegas Señorío de Rubiós ou Adegas Abadía de Tortoreos. O público tamén poderá probar os caldos de outras firmas que enviaron as súas propostas como é o caso Adegas San Salvador de Soutomaior, Bodegas y Viñedos Don Olegario, Eulogio Pomares Zárate e Hijos ou Adega Quinta das Eiras.

A Festa do Tinto Rías Baixas transcenderá a opción por saborear un bo caldo. O Concello de As Neves organizou unha serie de actividades paralelas para amenizar toda a xornada. Ás 12:00 horas, haberá un pasarrúas da Banda de Música Popular de Rubiós. A actriz Nieves Rodríguez será a encargado de dar o pregón ás 13:00 horas. A actividade non para. Un dos grandes momentos chegará coa actuación do dúo Vudú ás 14:00 horas. A proposta das dúas músicas galegas permitirá pór banda sonora á hora do xantar.

Na quenda de tarde, o público familiar será protagonista co espectáculo de pallasos para a cativada a cargo de MeRe-cidamente ás 17:00 horas. Pouco despois, ás 19:00 horas, chegará o momento de coñecer ao gañador da ruta de pinchos que tivo lugar entre o 5 e o 11 de outubro en diferentes establecementos das Neves.

O peche por todo o alto desta Festa do Tinto Rías Baixas chegará ás 20:00 horas co recital de Uxía e a súa banda, un recital que celebrarase na Praza Maior.

O evento tentará colaborar no coidado do medio ambiente ao non utilizarse cubertos de plásticos. Todo procederá de bambú e madeira de compostaxe.

Deja un comentario

Tu dirección de correo electrónico no será publicada. Los campos obligatorios están marcados con *

*