O Mumi 2021, que se celebra den de o pasado xoves, pechará hoxe a súa programación cambiando o escenario de Valença a Tui despois do luto nacional de tres días decretado no país luso polo pasamento do expresidente Jorge Sampaio.
Durante esta tarde deste sábado as citas para o público xeral serán no Paseo da Corerdoira a partir das 19:00 horas con La Duendeneta seguidos ás 20:00 horas de Pulpiño Viascón. O peche final ao evento terá lugar no Teatro Municipal de Tui co concerto de clausura da banda portuguesa Galandrum Galundaina e da artista alega Uxía. Todas as citas son gratuítas.
Considerado como un dos proxectos musicais máis relevantes no contexto folk de Portugal durante os últimos vinte e cinco anos, Galandum Galundaina construíu un espazo no que o pasado e o futuro da música arraiana van da man. A formación, considerada a embaixadora da música das Terras de Miranda, desenvolve un traballo de investigación ao redor dos instrumentos tradicionais -extraordinario no caso da gaita de fol mirandesa pero tamén en aparellos sonoros de construción propia- así como de promoción cultural, coa organización de eventos como o Festival itinerante de cultura tradicional “L Burro i l Gueiteiro”. Paulo Preto, Paulo Meirinhos, Alexandre Meirinhos e João Pratas son Galandum Galundaina, con catro discos de estudio e un DVD ao vivo no seu haber; é sobre no escenario onde resplandece un repertorio vocal e instrumental na herdanza do cancioneiro tradicional das Terras de Miranda, no que as harmonias vocais e o ritmo das percusións transportan a un universo atemporal.
Pola súa parte, Uxía é unha das maiores embaixadoras da música e a poesía galegas. Nos seus máis de 35 anos de carreira artística renovou a música tradicional galega conectándoa coas culturas atlánticas, combinando alalás con morna, fado ou ritmos brasileiros. Algúns dos temas máis recorrentes que explora nos seus traballos son a busca dun espazo para a voz da muller, o diálogo entre culturas, a poesía contemporánea galega e portuguesa e a defensa da identidade lingüística. Creou o seu repertorio a través das súas continuas viaxes e intercambios con músicos de Brasil, Portugal, Cabo Verde ou Guinea-Bisáu, como Dulce Pontes, António Zambujo, Sara Tavares ou Tito Paris, e en España con artistas como Santiago Auserón, Martirio, Carmen París ou Sílvia Pérez Cruz.
O Porriño instala este domingo un parque acuático presidido por un tobogán gigante para fomentar la diversión de los más pequeños
La cantante argentina protagonizó en PortAmérica su único concierto en Galicia. Hoy, "traca final" con Melendi, Viva Suecia o Sidonie
En la programación no falta tampoco la tradicional danza de "damas e galáns". ¡Consulta aquí el programa completo de las fiestas!
Galicia disfrutará este fin de semana de una de sus fiestas gastronómicas más conocidas. Está centrada en esta deliciosa receta de pan
Está aberto o prazo de inscrición e tamén o de envío de comunicacións e pósters - A cita terá lugar os días 24 e 25 no edificio Politécnico
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL