Co gallo da celebración do Día das Letras Galegas, que este ano homenaxean ao historiador e xeógrafo Antón Fraguas, o Museo Liste de Vigo (rúa Pastora, 22) organizará diversas actividades pensadas para os máis pequenos.

A programación arrancará ás 10:30 horas do venres 17 de maio coa actividade “apañando verbas perdidas” , que se centrará en buscar palabras hoxe en desuso. Unha hora máis tarde, ás 11:30 horas, os nenos e nenas que se acheguen ao museo poderán participar nunha serie de obradoiros para coñecer a figura de Fraguas a través de actividades pensadas para eles. Á mesma hora celebrarase unha visita guiada ao museo.

Másnoticias

¿Qué falló en el accidente en el que murió un piloto vigués en Portugal? Esto es lo que dice el informe

13/10/2025

Vueling se suma al "Ciber Monday" con una oferta exprés de vuelos baratos desde Galicia

Vueling tira los precios con esta oferta que te dejará volar barato desde Galicia

13/10/2025

Día Internacional dos Museos

Se o 17 de maio o Liste celebra as Letras Galegas, unha xornada máis tarde, o sábado 18, o museo celebrará o Día Internacional dos Museos. As actividades comezarán ás 11:00 horas coa lectura do manifesto titulado “Os museos como eixes culturais: o futuro da tradición”.

Ás 11:30 horas será o momento dunha visita guiada especial á exposición permanente cunha mirada ao Museo Olimpio Liste de Oseira, a través dunha escolma de pezas singulares, que evidencian a débeda etnográfica desta herdanza no 20 Aniversario do Museo Liste Etnográfico de Vigo.

Ás 12:30 horas terá lugar unha visita guiada á nova exposición temporal “A mesa farta” que xira en torno á etnografía e cultura alimentaria de Galicia.