O Revenidas recupera os concertos pola ría de Arousa a bordo do Chasula

O Festival Revenidas, que se celebrará os próximos 9, 10, 11 e 12 de setembro en Vilaxoán de Arousa, recupera os seus Concertos a bordo logo de dous anos de parón. Os asistentes poderán de novo vivir esta experiencia marítima única pola Ría de Arousa a bordo do Chasula, unha embarcación tradicional na que poderán gozar de música ao vivo e dunha exclusiva degustación gastronómica de produtos 100% galegos.

Concertos a bordo, que se converteu nunha das experiencias turísticas máis reclamadas do festival, é perfecta para gozar en familia -grandes e pequenos- e contará con tres saídas o sábado 11 e outras tres o domingo 12 dende o porto de Vilaxoán. O aforo máximo será de 10 persoas e cumpriranse con todas as medidas sanitarias que marca o protocolo.

Másnoticias

La ciencia tendrá su propio escenario en uno de los grandes festivales de las Rías Baixas, el Revenidas

21/07/2026

El Revenidas desvela sus últimas novedades para el festival y completa un cartel top en Galicia

09/07/2026

En total, seis grupos subirán a bordo do Chasula para facer a súa música en vivo: o sábado, estarán Pauliña, Dakidarría (intimísimo), e Xiana e Andrea, da Banda da Loba. O domingo, será a quenda de Jásper e Nébeda, Sofía Espiñeira e Leo e Arremecaghoná.

Ademais de música ao vivo e diversas propostas gastronómicas, os que suban ao Chasula aprenderán curiosidades da cultura mariñeira. As entradas para asistir poderán adquirirse, a partir deste venres ás 12:00h., na web do festival (premer aquí) a un prezo de 20 euros máis gastos de xestión. Para os menores, o prezo será de 12 euros.