Papá Noel xa visita Galicia: parada nas Neves con neve, agasallos e caramelos

O Nadal chega ás Neves en plena transición entre o mes de novembro e decembro. O municipio pontevedrés acende esta tarde o alumeado máis extenso da súa historia. O alcalde, Xosé Manuel Rodríguez Méndez, acenderá as luces nun acto que terá lugar na Praza do Concello, dando comezo a unha ampla programación de actividades que chegará ata o vindeiro 5 de xaneiro de 2020.

As Neves alumearase con cinco árbores de Nadal que estarán nas rotondas do Conde, do IES Pazo da Mercé, do CEIP Marquesa do Pazo da Mercé, na Praza Maior e no aparcadoiro da rúa Esperanza. Ademais, a ornamentación contará con estrelas de cor branca, decoración nas árbores e edificios públicos e haberá luces en todas as rúas do centro da vila, dende a rúa Cruceiro, pasando por Entrecines, rúa da Feira, Praza do Cruceiro, rúa José Gil, rúa Doutor Martínez Rodríguez e rúa Esperanza, incorporándose este ano a cor lila na contorna do Concello, “amosando unha clara e firme postura en favor da igualdade”.

Másnoticias

Jorge Cremades encabeza el cartel del festival de música gratuito de As Neves el Día de Galicia

10/07/2025

La Guardia Civil localiza una vivienda en As Neves con más de 60 plantas de marihuana

09/07/2025

Nesta campaña do Nadal tamén se colocaron diferentes elementos por todas as parroquias, estendendo o alumeado a todo o territorio, aínda que este ano o motivo elixido son estrelas brancas ao igual que no centro urbano.

O acto do acendido formará parte, dacordo coa Asociación de Comerciantes e Empresarios das Neves (ACEAN), organizadora do evento, dunha tarde de lecer que comezará ás 16:00 horas con actividades para as nenas e nenos como a visita de Papá Noel con caramelos e agasallos, música, pintacaras e canóns de neve.

O momento “chave” da xornada chegará ás 19:00 horas co acendido das luces por parte do alcalde, que transmitirá os seus bos desexos para este Nadal e para o vindeiro ano 2020, marcando o inicio das festas nas que, “por medio da colaboración entre o Concello e a Asociación de Comerciantes faise unha aposta decidida pola mellora e dinamización do comercio das Neves”.

Coa finalidade de que todas aquelas veciñas e veciños das Neves que o desexen poidan gozar do acendido das luces haberá dous autobuses que percorrerán todas as parroquias, a partir das 16:00 horas, e que farán o percorrido de volta ás 21:00 horas. Os autocares farán os seguintes percorridos: Cerdeira-San Xosé Xosé-Santiago de Ribarteme-As Neves; San Cibrán-Vide-Setados-As Neves; Santa Eulalia-San Pedro-Taboexa Rubiós-As Neves e Liñares-Tortoreos-As Neves.