Os "primeiros galegos" estaban en Budiño? O Porriño buscará respostas este xoves

E se os primeiors poboadores do que hoxe coñecemos como Galicia estiveran nos asentamentos das Gándaras de Budiño hai máis de 200.000 anos? Esta idea será o eixo sobre o que xirará a conferencia que Eduardo Méndez-Quintas, profesor do Centro Nacional de Investigación sobre a Evolución Humana (CENIEH), ofrecerá o vindeiro xoves, día 5 de abril ás 20:00 horas no Centro Cultural Municipal do Porriño.

Baixo o título ‘As Gándaras de Budiño e os primeiros poboadores de Galicia. 50 anos de encontros e desencontros’, o profesor Méndez-Quintas falará sobre as novas técnicas de datación dos restos atopados en 1961 nesta lugar do Porriño e que poderían indicar que os homes que viviron neste lugar o fixeron moitísimo antes do que se estivo crendo no último medio século.

Másnoticias

O Porriño inicia la cuenta atrás para abrir su primer parque para animales en pleno centro

15/09/2025

O Porriño tendrá una sala de cine pionera en toda Galicia y ya prepara las obras

13/09/2025

“Criamos que os poboadores de Budiño traballaban con tecnoloxía que xa tiña desaparecido en Europa 100.000 anos antes…pero as ferramentas atopadas son iguais e teñen as mesmas características que as doutros xacementos do sudoeste de Europa”, explica.

A este feito apuntan os bifaces e outras pezas coma lascas, follas de coitelo, perforadores ou picos triédicros, que apareceron nestes lugar hai máis de medio século e que daquela foran datados coa técnica do Carbono 14, hoxe xa superada.

As novas tecnoloxías apuntan a que estes restos teñen, cando menos, unha antigüidade semellante a outros aparecidos no Baixo Miño, e que apuntan a que os primeiros poboadores de Galicia se asentaran aquí hai entre 200.000 e 300.000 anos.

O estudo desta alternativa, sobre o terreo, será o traballo que inicie o vindeiro verán, coa achega do Concello do Porriño, un equipo “multinacional”, impulsado polo Centro Nacional de Investigación sobre a Evolución Humana (CENIEH), e integrado por científicos australianos, portugueses, franceses e galegos, que reabrirá, baixo a dirección do profesor Méndez-Quintas o xacemento das Gándaras de Budiño, tal e como explicará él mesmo, o xoves na súa conferencia.