Redondela aposta por un magosto con castañas gratuítas, concertos e xogos populares

O Concello de Redondela celebra o Magosto o día 5 de novembro na Alameda de Castelao. As actividades comezan ás 17:00 horas da tarde, cun total de 32 xogos populares diferentes entre os que se atopan, trompos, zancos, xogo da ra, da chave, bolos, mouróns, quebracabezas, carreiras de caracois ou labirintos que estarán baixo a supervisión de monitores e monitoras da asociación A Madana.

“A Madana é unha entidade que se encarga de recuperar os xogos populares que tanto sigularizan as festas e celebracións galegas. Unha aposta pola tradición que o Concello de Redondela apoia de forma activa”, explica a alcaldesa Digna Rivas.

Másnoticias

Surfeiro o futbolín del mar, así es el parque de diversión "Un mar de xogos" que llega a Redondela

27/08/2025

Estos son los cambios en los trenes de Vigo desde septiembre por obras en el tramo de Redondela

27/08/2025

“Este magosto é unha novidade para os veciños e veciñas de Redondela, xa que fai décadas que non se celebra cun encontro desta magnitude no centro da Vila. Este tipo de iniciativas teñen a intención de devolver a tradición e a cultura popular, unha das políticas máis importantes deste goberno”, engade Rivas.

“As actividades están pensadas para as familias e para todas as idades, dende os máis cativos aos máis maiores”, conta Rivas. Ademais dos xogos populares, o grupo de baile e gaita ‘Airiños de San Simón’ amenizarán a velada de 17:00 a 18:30 horas, cando dará comezo o concerto do grupo Carapaus. As 20:00 horas rematan os xogos e comeza o concerto do grupo Caamaño & Ameixeiras.

Este ano o Magosto de Redondela únese a unha causa solidaria. Durante o evento ANDAINA ( Asociación de persoas con diversidade funcional de Redondela) en colaboración co concello recaudarán fondos para recuperar o material roubado ao colectivo en xuño. “Sempre estamos dispostos a colaborar. O Magosto é unha festa popular, dedicada aos veciños e veciñas de Redondela, que mellor oportunidade que esta para solidarizarse e unirse por unha boa causa”, conta Rivas.

Castañas e recaudación de fondos

As castañas (un total de 150 kg) serán de balde, cortesía do Concello de Redondela. Nos asadores repartiránse conos cheos e a axente poderá facer unha doazon ao recollelo. “A recaudación farase a través dos postos de castañas, no que se poderá facer una doazon voluntaria que irá integramente á asociación Andaina”, explica a alcaldesa.