O hemisferio norte recibiu á primavera este mércores ás 22:58 horas e, uns días máis tarde, Salceda converterase na capital da temporada enchéndose de flores e produtos da terra nas XI Xornadas da Camelia.
Nunha cita que buscan “converter as xornadas nun aliciente turístico”, nas verbas da concelleira de Turismo, Loli Castiñeira, o centro do municipio acollerá este sábado e domingo máis de 125 expositores de camelias e produtos ecolóxicos, naturais e artesanía nunha das citas máis importantes de Galicia.
As actividades que xiran en torno a esta flor, que agocha numerosos segredos en relación as súas propiedades e produtos derivados, arrancarán o sábado ás 16:30 horas coa inauguración da exposición e a posterior actuación do grupo folk das “Donicelas”.
O auditorio municipal acollerá unha mostra de 160 metros con até 75 expositores que achegarán á Salceda máis de 500 variedades desta flor chegada dende todos os puntos de Galicia, pero tamén dende Asturias ou Portugal. A cita, que chega ao seu undécimo aniversario, vive un momento dourado xa as xornadas de Salceda son xa referencia como “as que máis flor teñen de toda Galicia”, como se felicitou o promotor da iniciativa e amante desta flor, Antonio Rivero. Unhas xornadas que queren destacar xa no ámbito “internacional dende a madurez do traballo ben feito dende fai anos”, na opinión do alcalde de Salceda, Marcos Besada.
Os que se acheguen até o municipio poderán tamén descubrir os outros usos descoñecidos da Camelia, como os aceites produto da semente ou as marmelos obtidas da súa flor.
Amais, e de xeito paralelo, a Praza do Concello acollerá a Feira de Artesanía e Agrosostible na xornada do domingo entre as 11:00 e as 19:00 horas. Uns cincuenta expositores achegarán produtos chegados dende toda Galicia relacionados coa terra e os produtos ecolóxicos.
Entre os postos deste particular mercado, os asistentes poderán atoparse co “lanzamento mundial” de produtos dunha nova raza de Porco Silleiro. Tamén se atoparán microadegas, produtos de horta ou representacións de oficios tradicionais. No campo da artesanía, poranse á venda produtos chegados dende Marrocos así como repostería.
Xunto a todas as exposicións e postos, o Concello organiza tamén unha andaina ecolóxica ás 10:00 horas. Tratase dunha iniciativa que segue a corrente internacional do “plogging” que busca promocionar a actividade física á vez que se recolle lixo (se o hai) nas beiras dos sendeiros. Xunta a esta iniciativa, ás 12:00 horas sairá da Praza de Abastos una “canmiñata”, unha andaina tamén pensada para as mascotas.
As Xornadas da Camelia de Salceda e a Feria de Artesanía e Agrosostible, que espera reunir a máis de 2.000 persoas, foi presentada este xoves por Marcos Besada, alcalde de salceda, Loli Castiñeira, concelleira de Turismo, Antonio Rivero, promotor da iniciativa, Manuel Nieto, membro de Ekohuerta, Dori Silva, presidenta da Asociación de Mulleres Rurais, e Rosa Estévez, representante do programa de voluntariado.
Los jóvenes de la localidad que organizan la cita lamentan la "falta de compromiso y palabra" del Gobierno local
Este fin de semana Ponteareas vive inmersa en las Festas de Setembro con una amplia programación que incluye la Feira Tradicional dos Remedios
Comienza una nueva edición de Pincho Folk en Salceda de Caselas durante todo el mes de septiembre que incluye premios para los participantes
Vigo y su área enfilan la recta final del verano con estas once formas diferentes de disfrutar del fin de semana
Dotado de equipamento punteiro, dá apoio a diferentes universidades e empresas así como a centros tecnolóxicos
Puedes encontrarnos en nuestras redes sociales o, si lo prefieres, ponerte en contacto con nosotros a través de [email protected]
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL