Chega Surfing the Lérez, o festival gratuíto de Pontevedra con música 100% galega

O festival Surfing the Lérez está de regreso. Presentado este ano como o “contrafestival”, a cita contará cun cartel composto 100% por grupos e músicos galegos. Tras dous anos de parón, o festival pontevedrés retorna á Illa das Esculturas con varias novidades. A primeira, a xa sinalada de que todos os artistas sexan da comunidade. Ademais amplía a unha terceira data a súa celebración. O festival comezará o xoves 23 e rematará o sábado 25 de xuño.

A entrada, coma sempre, será de balde, se ben os asistentes poden colaborar facendo na entrada unha achega voluntaria e solidaria de alimentos que serán entregados a redeaxuda.com.

Másnoticias

Alertan de graves impactos por un vertido en el río que abastece al embalse de Eiras

06/11/2025

Chicote regresa a las Rías Baixas para buscar la mejor empanada en lo nuevo de "Batalla de Restaurantes"

03/11/2025

O Surfing the Lérez diversifica este ano a súa proposta, abrindo os seus escenarios a estilos e artistas emerxentes que convivirán con algúns dos nomes senlleiros da música galega. A xornada do xoves está principalmente adicada á música urbana como reguetón ou trap.

A do venres representará a tradición do que foi o Surfing, cun grande peso das propostas orientadas cara o rock and roll. ˝É unha mostra do que se fixo e do que se está a facer agora mesmo en Galicia”, explica Marcos Rivas, organizador do evento.

O festival remata o sábado, en palabras do seu organizador, “cunha representación do que é a nova xeración musical galega, con propostas que van do rock ao garaxe, do rap ao trap”.

Ademais dos concertos, o Surfing the Lérez contará tamén este ano cun escenario infantil, no que se desenvolverán actuacións musicais para os cativos, xogos interactivos, obradoiros e outras actividades lúdicas.

Horarios xoves:

• 16.00: Apertura de portas
• 17.30: Uncle Doc & The Homeboys (Escenario The Groove House)
• 18.25: Wyygga (Escenario Vibra Mahou)
• 18.30: Concerto Golfiños (Escenario Infantil)
• 19.20: YNGZ (Escenario The Groove House)
• 20.35: Budiño (Escenario Vibra Mahou)
• 21.40: Ariezzz (Escenario The Groove House)
• 22.45: Ortiga (Escenario Vibra Mahou)
• 23.45: Carlangas Dj Set (Escenario Vibra Mahou)
• 00.50: Sebastian Black b2b G Rich (Escenario The Groove House)