Susana Seivane abrirá as festas do Cristo de Salceda de Caselas
Máis de 30 actividades en tres semanas de verán e todas elas gratuítas. A concellerías de Cultura e Festas de Salceda de Caselas, dirixida por Alex Rodríguez, vén de presentar a programación de verán que desembocará nas Festas do Cristo.
O Verán Cultural dará comezo este venres 5 de xullo da man da Asociación de Comerciantes e Industriais de Salceda (ACISA), que por cuarto ano organizan a Feira Medieval (5, 6 e 7 de xullo).
No ciclo hai citas tradicionais, como o certame de bandas de música que este ano celebra a súa vixésimo oitava edición, o festival folclórico ou o día da infancia, que ano a ano acollen a numeroso público tanto de Salceda como dos arredores. Destacan as actividades dirixidas ao público familiar, como contacontos ou a festa da escuma, e incorpóranse novidades como unha aula aberta de ioga ou unha exhibición de break dance. Precisamente a alcaldesa, Loli Castiñeira, incidiu na presentación oficial no agradecemento ao traballo do tecido asociativo, lembrando que –“o Concello segue a apostar pola cultura da casa e por poñer en valor o traballo feito polas diferentes asociacións do municipio”.
Outra das premisas é a variedade de espazos nos que se van desenvolver os actos: O Parque Raíña Aragonta, o Parque da Gándara, o Auditorio Municipal, o recinto do CEP Altamira e, por suposto, a Praza do Concello. A programación estenderase dende o venres 5 ata o luns 22 de xullo en que rematan as Festas do Cristo.
Entre as grandes citas, estará o concerto de Susana Seivane, que chegará a Salceda o sábado 20 de xullo dentro do programa Musigal da Deputación de Pontevedra. Seivane interpretará, xunto a súa banda, temas do seu último traballo “FA”, publicado o pasado mes de setembro, un disco intimista, romántico, inspirador e tenro. Pero tamén repasará outros temas da súa longa carreira musical todo nun espectáculo fresco e orixinal. Pola súa parte, as verbenas do Cristo contarán con Grafitti, La Dimensión, Grupo La Nave, La Estación e Grupo Nebraska.
Rodríguez amosouse esta mañá agradecido coas diferentes asociacións do municipio que ano tras ano se ofrecen a subirse ao escenario para presentar os traballos realizados nos diferentes locais culturais das parroquias, e que permiten que se siga mantendo unha programación diaria que se prolonga ao longo de máis de dúas semanas. Salceda encherase así un ano máis de música, baile, cine, xogos e, sobre todo, moita festa. Inciden dende o Concello en que se trata dunha programación “variada para tódolos gustos e para tódolos públicos, cunha especial presenza das actividades dirixidas aos nenos e nenas”.
PROGRAMACIÓN XERALFESTAS DO CRISTOOUTRAS ACTIVIDADES
Martes 9 de xullo
- 23:00 Cine na Rúa. Praza do Concello.
Mércores 10 de xullo
- 20:00 Aula aberta de ioga con Vanessa Guisande. Parque da Gándara.
- 22:45 Teatro Castro Barreiro. Praza do Concello.
Xoves 11 de xullo
- 19:30 Contacontos en inglés, “The King’s Servant”. Praza do Concello.
- 22:30 Actuación do Centro Cultural O Borralliño. Parque Aragonta.
Venres 12 de xullo
- 18:00 Día da Infancia, hinchables, xogos… Parque da Gándara
- 23:00 Actuación do grupo Voces do Arrieiro. Praza do Concello.
Sábado 13 de xullo
- XVI Rallye SURCO. Organiza Escudería Surco (Consultar programación)
- 21:30 XXVIII Festival de Bandas de Música de Salceda.
- Banda de Música Castrelo de Cambados
- Banda de Música Xuvenil de Barro
- Banda de Música Cultural de Salceda
Domingo 14 de xullo
- 21:00 Exhibición de Break Dance. Parque Raíña Aragonta.
Luns 15 de xullo
- 23:00 Actuación da Agrupación Cultural Xunco. Praza do Concello.
Martes 16 de xullo
- 22:30 Actuación do grupo OS DE AQUÍ. Praza do Concello.
Mércores 17 de xullo
- 20:00 Aula aberta de ioga con Vanessa Guisande. Parque da Gándara.
- 21:30 Actuación do Coliño Bailongo. Parque Raíña Aragonta.
- 22:30 Baile de Salón. Patricia Martínez e alumnas/os. Parque Raíña Aragonta.
Xoves 18 de xullo
- 22:00 XXIV Festival Folclórico. Parque Raíña Aragonta
- Grupo Folclórico Xunco
- Grupo Folclórico Castro Barreiro
- Grupo Folclórico O Serán
- Grupo Folclórico “O Freixo” de Entenza
- Grupo de Gaitas Airiños do Caselas
Venres 19 de xullo
- 18:00 Festa da Escuma. Praza do Concello
- 23:59 V Festival Vaia Cristo. (Coorganiza ACDE Treze Catorze). Antigo Matadoiro.
FESTAS DO CRISTO
Sábado 20 de xullo
- Dirt Track (Organiza Entroido A Feira). Campo das Curuxeiras.
- 20:00 Desfile da Agrupación Gaiteira de Salceda polas rúas da Esfarrapada.
- 22:00 X Estourazo de inicio das Festas do Cristo dende o balcón da Casa da Cultura.
- 23:00 Verbena co Grupo La Nave
- 23:59 Actuación de Susana Seivane
Domingo 21 de Xullo
- 11:45 VIII Acto Cívico Salcedenses Distinguidas/os
- 12:45 Misa cantada pola Coral Polifónica de Santa María de Salceda
- 13:30 Concerto da Banda de Música Cultural de Salceda de Caselas
- 21:00 Concerto da Banda de Música Cultural de Salceda de Caselas
- 22:00 Verbena con Grafitti e La Dimensión
Luns 22 de xullo
- 21:30 Clase aberta de Zumba con Noelia Rodríguez
- 22:30 Verbena coa Orquestra La Estación e Grupo Nebraska
- Exposición Meninas en Flor (Concello de Ponteareas)
- Do 1 ao 15 de xullo no Auditorio Municipal e na Casa da Cultura Castelao
- Feira Medieval. (Organiza Acisa)
- Do 5 ao 7 de xullo. Praza do Concello.
- Carnaval de Verán. (Organiza Asociación Nós Somos Nós)
- 5 de xullo. Torreiro de Sta. María.
- V Torneo de Fútbol Sala “Vila de Salceda”
- Do 15 ao 19 de Xullo na zona deportiva de Altamira
Agenda
Volver al Mes actual
Más noticias
El festival "con el mejor escenario del mundo" arranca en Nigrán con 7 conciertos gratis al atardecer
El verano no es verano sin esta cita imprescindible en el área de Vigo, el festival gratis con "el mejor escenario del mundo". Así es esta propuesta
Las Fiestas de Coia de Vigo arrancan a tope de diversión con festival gratis de DJS y mucha verbena
Vigo vive desde este viernes una de sus fiestas más emblemáticas, esto es todo lo que podrás disfrutar este viernes en las Fiestas de Coia
El folklore tomará Tui con conciertos, certamen de gaitas y un "Día da Muiñeira" este finde
Tui propone un fin de semana de folklore y tradición con todas estas actividades. No te pierdas este planazo del verano
El béisbol saca músculo en Vigo con una cita cargada de sus rostros más conocidos
Algunos de los mejores jugadores de béisbol de Vigo se reunirán en una cita histórica. Vive la auténtica pasión por este deporte
Un equipo da UVigo constata o impacto do eucalipto sobre a biodiversidade dos ecosistemas fluviais
O estudo levouse a cabo nunha vintena de regatos da provincia de Pontevedra
Somos metropolitanos. Somos el digital de referencia en Vigo y su área metropolitana. No te pierdas nada. Todas las noticias de Vigo y su área: cultura, planes, deporte...
Toda la actualidad de Vigo y su área, gratis en tu WhatsApp
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal