O Teatro Municipal de Tui acollerá este venres, ás 19:30 hooras, o concerto do Grupo Milladoiro na súa xira 40 aniversario. Coas entradas esgotadas dende comezos de seamana e o aforo extremadamente reducido a un máximo de 30 persoas debido as actuais medidas restritivas vixentes no municipio, o Concello vén de apostar por retransmitir en directo a cita.

O concerto poderase ver dende a páxina web municipal Tui.gal e comezará ás 19:30 horas. Nel, Milladoiro repasará os temas que marcaron estas catro décadas de música presentando tamén o seu último disco “Atlántico”. Dende os seus primeiros traballos discográficos, este grupo fixo unha reiterada referencia ao Camiño de Santiago como vehículo de transmisión cultural, de ida e volta, que influiría de xeito determinante na formación cultural de Galicia e en particular no que a música se refire. Referencia que queda patente nos títulos de moitos dos discos e temas, así como dos comentarios que os acompañan.

Másnoticias

Tui ya prepara su San Silvestre y desvela el horario de la carrera y el plazo para anotarse

Uvas, chocolate caliente y música para animar la San Silvestre solidaria de Tui

14/11/2025

Nueva imagen para uno de los principales espacios culturales de Tomiño, así ha transformado su auditorio

13/11/2025

En todos os seus concertos, ao longo e ancho do mundo, foi unha constante a referencia á cultura galega da que nunca pode estar ausente o fenómeno xacobeo. Concertos en lugares tan importantes coma o Teatro Nacional de Cuba, o auditorio Blackman de Los Ángeles ou nunha longa lista de cidades europeas como Munich, Amsterdam, Niza ou Copenhage. Mañá venres poderemos gozar con Milladoiro no Teatro Municipal de Tui.

"O Concello aposta por manter a actividade cultural nestes difíciles momentos e neste caso concreto coa posibilidade de poder gozar cun dos grupos musicais máis importantes de Galicia", explican dende o Goberno municipal.

Os compoñentes actuais de Milladoiro son Xosé V. Ferreiros, Nando Casal e Moncho García, que permanecen no grupo dende os seus inicios, e Harry.c, Manú Conce e Manuel Riveiro, que se incorporaron nos últimos anos.