A música en directo contará esta semana cunha cita de luxo en Baiona. Xabier Díaz e as Adufeiras de Salitre protagonizan a programación do Baiverán cunha concerto ao aire libre este xoves, 23 de xullo. Antes, humor e cinema citarán aos veciños e turistas. Todas as actividades desenvolveranse no Parque da Palma.
Este martes, ás 23:00 horas proxectarase en pantalla xigante o filme “O neno que puido ser rei”. O filme narra a historia de Alex, un neno británico de doce anos cuxos problemas diarios pasan a un segundo plano cando descobre a mítica espada Excalibur. Coa espada máis poderosa da historia en mans do estudante máis desvalido de Inglaterra, unha aventura épica comeza tendo en conta que Alex e os seus amigos terán que conter a unha vilá chamada Morgana, quen teima con destruír o mundo.
O mércores, tamén ás 23:00 horas, o humorista Xan Veiga trae ao Parque da Palma o seu monólogo “Aqueles marabillos anos”, un espectáculo no que se convida ao espectador a embarcarse nunha viaxe ao pasado para lembrar as desventuras dun galego calquera que traerá á memoria un bo feixe de costumes, ditos, xogos ou cantigas.
Xa o xoves, chegará o plato forte desta semana co concerto dun dos músicos galegos máis internacionais, Xabier Díaz, acompañado de “Adufeiras de Salitre”. Díaz trae a Baiona un espectáculo aplaudido dentro e fóra de Galicia no que dez músicos suben ao escenario para ofrecer un poderoso directo. Este concerto é tamén o xeito co que o Concello de Baiona busca celebrar este ano o Día Nacional de Galicia.
Todos os espectáculos estarán supervisados por un técnico de prevención que certificará que o espectáculo sexa seguro tanto para os profesionais que actuarán no Baiverán como para o público en xeral. Non existe reserva previa, polo que o aforo cubrirase segundo vai accedendo a xente.
El Centro Comercial Travesía de Vigo ofrece una propuesta diferente para San Valentín. Esta es la iniciativa gratuita que ofrecen a sus clientes
Vigo tendrá una fiesta de Entroido diseñada especialmente para el público más familiar. Habrá desde concursos y chocolatada hasta trends de Tik Tok
Hay muchos puentes que unen Tui y Valença, concretamente los que logra tender la música. Este concierto es el mejor ejemplo de unión entre Galicia y Portugal
Ponteareas ya ha desvelado su gran propuesta para el Entroido de este 2025. No te pierdas el programa completo de este planazo en Pontevedra
Liderado por monodon de Navantia, participan 12 entidades de siete países - Está deseñado para operar en constelacións de satélites
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL